ایران کے وزیرخارجہ عباس عراقچی نے اقوام متحدہ کو خط لکھا ہے جس میں بوشہرجوہری پلانٹ کے قریب چوتھے حملے سے تابکاری اخراج کے خطرہ سے آگاہ کیا ہے۔

ایرانی وزیرخارجہ نے جوہری پلانٹ کے قریب حملے سے تابکاری اخراج کا خطرہ ظاہر کرتے ہوئے کہا کہ جوہری پلانٹ سے تابکاری کا اخراج ہوا تو یہ نہ صرف ایران بلکہ خلیج تعاون کونسل کے ملکوں میں بھی زندگی کا خاتمہ کر دے گا۔

ایرانی وزیرخارجہ نے سوال کیا کہ کیا آپ کو یوکرین کے زاپوریزیا جوہری پاورپلانٹ کے قریب جھڑپوں پر مغربی دنیا کا غم و غصہ یاد ہے؟۔

ان کا مزید کہنا تھا کہ امریکا اور اسرائیل ایران کے بوشہر نیوکلیئر پاور پلانٹ پر اب تک 4 مرتبہ بمباری کر چکے ہیں،  ایران کی پیٹروکیمیکل تنصیبات پر حملے امریکا اسرائیل کے اصل مقاصد کی نشاندہی کرتے ہیں۔