اسلام آباد: حکومت نے پیٹرولیم مصنوعات کی قیمتوں میں بڑا اضافہ کردیا، ڈیزل کی قیمت میں 6 روپے 47 پیسے جب کہ پیٹرول کی قیمت میں 5 روپے 77 پیسے فی لیٹر اضافہ کیا گیا ہے۔
حکومت کی جانب سے جاری کردہ نئے فیصلے کے مطابق ڈیزل کی قیمت میں 6 روپے 47 پیسے فی لیٹر اضافہ کیا گیا جس کے بعد اس کی نئی قیمت 390 روپے 42 پیسے فی لیٹر ہوگئی ہے۔
اسی طرح پیٹرول کی قیمت میں بھی 5 روپے 77 پیسے فی لیٹر اضافہ کیا گیا ہے جس کے بعد پیٹرول کی نئی قیمت 331 روپے 20 پیسے فی لیٹر مقرر کردی گئی ہے۔
پیٹرولیم ڈویژن کی جانب سے قیمتوں میں اضافے کا باقاعدہ نوٹیفکیشن بھی جاری کردیا گیا ہے۔
