گنج پن کی حیران کن وجہ سامنے آگئی

عروبہ خانویب ایڈیٹر

12th Oct, 2021. 02:39 pm

گنج پن، ایک ایسا مرحلہ ہے جس سے گزرتے ہوئے ہر شخص کو بہت دکھ ہوتا ہے کیونکہ اس مرحلے کے دوران آ پ کے سر سے بال سوکھے پتوں کی طرح جھڑ رہے ہوتے ہیں۔

اس حوالے سائنسدانوں نے بتایا ہے کہ یہ مرحلہ  انسان کی بڑھتی ہوئی عمر کے ساتھ پیش آتا ہے کہ جب جسم میں موجود 2 جینز بالوں  بالوں کے غدود کے معمر خلیات میں کم متحرک ہوجاتے ہیں۔

اس حوالے کی جانے والی تحقیق سے معلوم ہوا ہے کہ عمر بڑھنے کے ساتھ بالوں کو برقرار رکھنے والے اسٹیم سیلز اس اسٹرکچر سے فرار ہوجاتے ہیں جہاں وہ مقیم ہوتے ہیں۔

اس تحقیق میں ایسے 2 جینز کو شناخت کیا گیا جو عمر بڑھنے کے ساتھ بالوں پر اثرات مرتب کرتے ہیں جس سے اسٹیم سیلز کو اپنی جگہ سے منتقل ہونے کی روک تھام سے بالوں کو گرنے سے روکنے کے لیے حکمت عملی مرتب کرنے میں مدد مل سکے گی۔

محققین کا خیال تھا کہ عمر بڑھنے کے ساتھ اسٹیم سیلز کے مرنے لگتے ہیں جس کے نتیجے میں بال پہلے سفید اور پھر بتدریج گنج پن کا سامنا ہوتا ہے۔

اس مقصد کے لیے انہوں نے انسانی بالوں کے غدود کو چوہوں کے کانوں میں نصب کیا اور پھر اس کی جانچ پڑتال کی گئی۔

اس جانچ پڑتال میں یہ حیران کن انکشاف ہوا کہ عمر بڑھنے کے ساتھ جب چوہے کے بال سفید اور گرنے لگے تو اسٹیم سیلز اپنی مخصوص جگہوں سے فرار ہونے لگے۔

ان خلیات نے اپنی ساخت تبدیل کرکے ان غدود سے فرار کو ممکن بنایا اور باہر نکل کر اپنی معمول کی ساخت پر آئے اور کہیں اور چلے گئے۔

ماہرین کا کہنا تھا کہ اگر ہم نے خود یہ مشاہدہ نہیں کیا ہوتا تو کبھی بھی اس پر یقین نہیں کرتے، اس عمل نے تو ہمارے ذہنوں کو گھما کر رکھ دیا تھا۔ یہ اسٹیم اپنی جگہ سے نکلنے کے بعد سیلز مدافعتی نظام میں کہیں گم ہوجاتے ہیں۔

Square Adsence 300X250