پیرو میں زیرِ زیم مقبرے کی کھدائی کے دوران ماہرینِ آثارِ قدیمہ نے ایک عجیب و غریب ممی دریافت کی جو مکمل طور پر رسیوں سے جکڑی ہوئی تھی اور اُس نے ہاتھوں سے اپنے چہرے کو چُھپایا ہوا تھا۔
ممی، جس کی جنس کا ابھی تک تعین نہیں ہوسکا ہے، پیرو کے دارالحکومت لیما سے 16 میل کے فاصلے پر آثارِ قدیمہ کی ایک جگہ کیجامارکوئیلا میں پائی گئی ہے۔
ماہرین کی ٹیم کے مطابق ممی 800 سے 1200 برس پرانی ہے جس کا تعلق پری-اِنکا تہذیب سے ہے جو پیرو کے ساحل اور پہاڑوں کے درمیان پنپی تھی۔
ٹیم کی رہنمائی پیٹر وین ڈیلن لونا کر رہے ہیں۔
پروفیسر وین کے مطابق ممی کی خصوصیت یہ ہے کہ اس کا پورا جسم رسیوں سے جکڑا ہوا ہے اور ہاتھوں نے چہرہ ڈھانپا ہوا ہے۔
انہوں نے بتایا کہ ممی کا مزید جکڑا جانا مقامی آخری رسومات کا طریقہ کار ہوتا ہوگا۔
انہوں نے کہا ریڈیو کاربن ڈیٹنگ اس بات کو مزید واضح کرے گی کہ یہ کتنی پرانی ہے۔
زیرِ زمین مقبرے میں ممی کے ساتھ دفنائی گئی مزید اشیاء بھی دریافت ہوئی ہیں۔جن میں پتھر کے آلات اور سیرامکس کے برتن شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News