کورونا وائرس جیسی مہلک وبا سے نمٹنے کے آئی ایم ایف نے پاکستان کے لیےایک ارب 38 کروڑ ڈالرز کے ریلیف پیکیج کی منظوری دے دی۔
تفصیلات کے مطابق کورونا وائرس سے نمٹنے کے آئی ایم ایف نے پاکستان کے لیےایک ارب 38 کروڑ ڈالرز کے ریلیف پیکیج کی منظوری دے دی گئی ہے جبکہ دوسری جانب شرح سود میں کمی کے بعد اسٹاک مارکیٹ میں زبردست تیزی دیکھی گئی جبکہ ڈالر کے مقابلے میں روپیہ بھی تگڑا ہوگیا۔۔ انٹربینک میں ڈالر تین روپے سستا ہوگیا۔
اعلامیہ کے مطابق آئی ایم ایف کے ایگزیکٹیو بورڈ نے پاکستان کیلیے منظوری دے دی ہے قرضہ کورونا وائرس کی مہلک وبا سے پیدا ہونیوالی صورتحال سے نمٹنے کیلیے منظور کیا گیا ہے۔
دوسری جانب شرح سود میں کمی کے بعد کاروباری ہفتے کے آخری روز اسٹاک مارکیٹ میں زبردست تیزی دیکھی گئی 100 انڈیکس 32 ہزار 8 سو 31 پوائنٹس پر بند ہوا جبکہ آج تقریباً ساڑھے 8 ارب روپے مالیت کا کاروبار کیاگیا۔
کورونا وائرس سے متاثرہ ملک پاکستان کے لیئے اچھی خبر
ڈالر کے مقابلے میں روپیہ بھی تگڑا ہوگیا انٹربینک میں ڈالرتین روپے اکتیس پیسے سستا ہونے کے بعد 1 سو 63 روپے 57 پیسے پر آگیا،
10 روز میں انٹربینک میں ڈالر 4روپے 32 پیسے سستا ہوچکا ہے۔
یاد رہے کہ اس سے قبل جی ٹوئنٹی ممالک کی جانب سے 40ارب ڈالرز کے قرضے ایک سال کیلئے منجمد کردیئے گئے ہیں، اسکیم کے تحت پاکستان کے بارہ ارب ڈالرز کے قرضے مؤخر ہوں گے۔
اسکیم کے تحت جن میں آئی ایم ایف ، عالمی بینک ،ایشیائی ترقیاتی بینک، اسلامی ترقیاتی بینک اور پیرس کلب کے قرضے شامل ہیں۔
یاد رہے کہ ریلیف پوری دنیا میں تباہی پھلاتے کورونا وائرس کے باعث دیا گیا ہے ۔
اس سے قبل عالمی مالیاتی ادارہ نےخبردارکیاہےکہ کوروناوائرس کی وجہ سےایشیامیں رواں سال اقتصادی ترقی کی شرح صفررہےگی۔
آئی ایم ایف کےمطابق گزشتہ 60 برس میں پہلی مرتبہ ایسےحالات پیداہوئےجس میں معاشی ترقی کا شرح نمواس سطح پر پہنچی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News