کراچی کےعلاقےلکی اسٹارکےقریب 14سالہ لڑکےپرفائرنگ کےواقعہ پرڈی ایس پی صدرکابیان سامنے آگیا۔

تفصیلات کےمطابق ڈی ایس پی کنورآصف نےمیڈیا سے گفتگوکرتے ہوئےکہاکہ دلخراش واقعے پرتحقیقات کی جارہی ہے،واقعہ کا مقدمہ بچے کے والد کی مدعیت میں درج کرلیاگیاہے۔

 ڈی ایس پی صدرنےکہاکہ مقدمے کے علاوہ محکمہ جاتی کارروائی بھی عمل میں لائی جائیگی۔ موبائل اسپاٹ پر کیا کررہی تھی اس حوالے سے تحقیقات کی جائیں گی۔

ڈی ایس پی کنورآصف نےکہاکہ فائرنگ کے الزام میں پولیس اہلکار عدنان کو گرفتارکرکےایف ائی آر درج کرلی گئی ہےجس کےتحت قانونی کارروائی عمل میں لائی جائیگی اور انصاف فراہم کیا جائیگا۔

ڈی ایس پی صدرنےکہاکہ باقی تین اہکاروں کو حراست میں لے لیا گیا ہے،فائرنگ کے واقعے پر افسوس ہے،پولیس اہکار نئے ہیں ان کو تجربے کی کمی ہے۔

گزشتہ روزفائرنگ کرنے والے اہلکار کے ساتھی ارسلان کا ویڈیو بیان بھی حاصل کیا گیا۔ پولیس اہلکار ارسلان کاکہناتھاکہ ہم نے گاڑی کو رکنے کا اشارہ کیاتھا لیکن گاڑی نہیں رکی۔ جس کے بعد گاڑی کا پیچھا کیا تو نوجوان اندر گلی میں گھس گیا۔

پولیس اہلکارارسلان نےبتایاکہ ہم گاڑی سے اترنے لگے تو فائرنگ کی آواز آئی جو پیچھے بیٹھے ہوئے اہلکار عدنان نے گاڑی پر فائرنگ کی تھی۔

اہلکار ارسلان کےمطابق موبائل میں کوئی بھی افسر نہیں تھاتو سپاہی عدنان کو بڑا بناکر موبائل دی تھی۔

واضح رہے کہ گزشہ روز پولیس نے14سالہ لڑکے کو فائرنگ کر کے زخمی کردیا۔

احمد نویں جماعت کا طالب علم ہے،گولی احمد کے بازو پرلگتی ہوئی نکل گئی،جس کے بعد طبی امداد کیلئے فوری جناح اسپتال منتقل کر دیا گیا۔

زخمی طالبعلم کےاہل خانہ کے مطابق احمد گھر کے باہر والد کی کارپارک کرنے گیا تھا کہ پولیس 15 کی موبائل میں سوار اہلکار نے گاڑی روکنے کا کہا اور فائرنگ کردی۔

واقعے کے بعد اہل خانہ سمیت علاقے کے لوگوں نے تھانے پر احتجاج کیا،جس کے بعد پولیس اہلکارکوحراست میں لے کر مقدمہ درج کرلیا گیا۔جبکہ باقی دو اہلکاروں سے مزید تفتیش جاری ہے۔

پولیس نے اعتراف کیا کہ اہلکار غیر تجربہ کار ہیں بچے پر فائرنگ کرنے والے پولیس اہلکار عدنان کے خلاف اقدام قتل کے دفعہ کے تحت مقدمہ درج کر کے گرفتار کرلیا،جبکہ اس کے دو ساتھوں کو حراست میں لے کر تفتیش کی جارہی ہے۔پولیس کی جانب سے شہریوں پر فائرنگ کےبڑھتے واقعات یقینی طور پر محکمہ کی کارکردگی پر سوالیہ نشان ہے۔