کراچی میں ایسٹ زون پولیس نے غیرقانونی طور پر مقیم افغان شہریوں کے خلاف کریک ڈاؤن کرتے ہوئے مختلف علاقوں سے 42 افراد کو گرفتار کر لیا۔

تفصیلات کے مطابق شہر قائد میں پولیس کی جانب سے غیرقانونی طور پر رہائش پذیر افغان باشندوں کے خلاف کارروائی کا سلسلہ جاری ہے۔

 ایسٹ زون پولیس کی جانب سے کراچی کے علاقے شارع فیصل، گلستان جوہر، گلشن اقبال، پی آئی بی، عزیز بھٹی اور نیوٹاؤن میں چھاپے مارے گئے جس کے نتیجے میں غیر قانونی مقیم 42 افغان باشندوں کو حراست میں لے لیا گیا۔

 ایس ایس پی ایسٹ سید عرفان بہادر نے بتایا کہ گرفتار ملزمان کے خلاف فارن ایکٹ کے تحت مقدمات درج کر کے تفتیش شروع کردی ہے۔

واضح رہے کہ گزشتہ روز بھی سندھ پولیس نے ضلع شرقی میں کارروائی کرتے ہوئے غیرقانونی طور پر کراچی میں مقیم 18 افغانیوں کو گرفتار کیا تھا۔

شرقی پولیس نے بتایا تھا کہ ضلع شرقی میں غیر قانونی طور پر مقیم افغان نیشنلز کے خلاف کریک ڈاؤن جاری ہے تاہم مجموعی طور پر 18 افغان باشندوں کو گرفتار کیا گیا ہے۔

پولیس حکام کا کہنا تھا کہ فیروز آباد پولیس نے کارروائی کرتے ہوئے 9 افغانی باشندوں کو گرفتار کر کے مقدمہ درج کیا جبکہ مبینہ ٹاؤن پولیس کی جانب سے بھی 9 افغانی باشندوں کو گرفتار کر کے مقدمہ درج کیا گیا۔

پولیس حکام نے مزید بتایا کہ افغان باشندوں کے خلاف مقدمہ فارن ایکٹ کے تحت درج کیا گیا اور مزید تفتش جاری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں