اسلام آباد: 35 پاکستانی شہریوں کی چین سے ہانگ کانگ اسمگلنگ کے معاملے پر بڑی پیشرفت سامنے آئی ہے۔
تفصیلات کے مطابق ڈپٹی ڈائریکٹر اینٹی ہیومن ٹریفکنگ سرکل اسلام آباد صائم سلطان کی زیر نگرانی چھاپہ مار ٹیم نے انٹرنیشنل گینگ کے مزید 2 انسانی اسمگلرز کو گرفتار کر لیا ہے۔
ایف آئی اے حکام کے مطابق گرفتار ملزمان میں فواد عالم خان اور محمد ابوبکر شامل ہیں جبکہ ملزمان کو اسلام آباد سے گرفتار کیا گیا ہے۔
حکام نے بتایا کہ گرفتار ملزمان چین سے ہانگ کانگ انسانی اسمگلنگ کے گھناؤنے جرم میں ملوث تھے، ملزم فواد عالم جعلی سپورٹنگ دستاویزات بنانے میں ملوث تھا، ملزم مختلف کمپنیوں کی جانب سے جاری کردہ ویزا انویٹیشن لیٹرز میں رد وبدل کرتا تھا۔
اس کے علاوہ ملزم ابوبکر شہریوں کو چین سے ہانک گانگ بارڈر پار کرانے میں ملوث تھا اور بارڈر پار کروانے کے حوالے سے ایجنٹوں کو معلومات فراہم کرتا تھا۔
ایف آئی اے حکام کا کہنا تھا کہ گرفتار ملزم سرحد کے دونوں اطراف انسانی اسمگلروں کے ساتھ رابطے میں تھا، ملزمان کو پہلے سے گرفتار ملزم آصف محمود کی نشاندہی پر گرفتار کیا گیا۔
حکام نے مزید کہا کہ گرفتار ملزمان کی نشاندہی پر مزید چھاپہ مار کارروائیاں عمل میں لائی جارہی ہیں، مذکورہ نیٹ ورک کے دیگر ملزمان کی بھی شناخت حاصل کر لی گئی ہے، دیگر ملزمان کی گرفتاری کے لیے تمام تر وسائل کو بروئے کار لایا جا رہا ہے۔
ڈائریکٹر ایف آئی اے اسلام آباد زون کی جانب سے تحقیقاتی ٹیم کی کارکردگی کو سراہا گیا تاہم تحقیقاتی ٹیم میں سب انسپیکٹر ہادی پرستان، بلال عباسی، اے ایس آئی نعمان احمد اور ولیم شہزاد شامل ہیں۔
یاد رہے کہ چند روز قبل بھی ایف آئی اے اینٹی ہیومن ٹریفکنگ سرکل اسلام آباد نے بڑی کارروائی کرتے ہوئے انٹرنیشنل گینگ کے 2 مرکزی انسانی اسمگلرز آصف محمود اور بلال حسن کو گرفتار کیا تھا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News