تعلیمی ادارے اچانک بند کرنے کا اعلان

ویب ڈیسک

01st Dec, 2023. 01:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعلیمی ادارے اچانک بند کرنے کا اعلان

پنجاب حکومت نے صوبے بھر کے تعلیمی ادارے کل بند رکھنے کا اعلان کر دیا ہے۔

تفصیلات کے مطابق نگران وزیر اعلیٰ پنجاب محسن نقوی کی زیر صدارت آج کابینہ کمیٹی برائے انسداد اسموگ کا اجلاس ہوا۔

اسموگ کی صورتحال کو مدِ نظر رکھتے ہوئے نگران وزیر اعلیٰ پنجاب نے کل بروز ہفتہ اسکول، کالجز بند رکھنے کا اعلان کیا۔

محسن نقوی نے اس حوالے سے بتایا کہ مارکیٹیں، بازار اور کاروباری ادارے کل اور پرسوں معمول کے مطابق کھلے رہیں گے۔ ریسٹورنٹس اور دیگر بزنس ہاؤسز بھی معمول کے مطابق کھلے رہیں گے۔

وزیراعلیٰ پنجاب نے دورانِ اجلاس سڑکوں کی صفائی اور پانی کے چھڑکاؤ کا عمل بدستور جاری رکھنے کی ہدایت کی اور دھواں چھوڑنے والی گاڑیوں کے خلاف مؤثر کریک ڈاؤن کا حکم بھی دیا۔

انہوں نے کہا کہ ٹائر جلانے والی فیکٹریوں کے خلاف بھی بلاامتیاز کارروائی جاری رکھی جائے۔ اسموگ میں کمی کیلئے جو کچھ انسانی بس میں ہے وہ اقدام اٹھارہے ہیں۔ پوری کوشش ہے کہ ایئرکوالٹی انڈیکس کم سے کم رہے۔