پاکستان شوبز انڈسٹری کے نامور اداکارحمزہ علی عباسی نے فلم زندگی تماشا کی بندش کیخلاف حمایت میں ایک ویڈیو پیغام جاری کردیا۔

حمزہ علی عباسی نے فلم زندگی تماشا سے متعلق ایک ویڈیو پیغام جاری کیا ہے ،انہوں نے اپنے یوٹیوب چینل پرنہ صرف فلم کی حمایت کی بلکہ اس پر تنقید کرنے والوں سے درخواست کرتے ہوئے کہا ہے کہ اعتراض کرنے سے پہلے دیکھ تو لیں کہ فلم کا موضوع کیا ہے فلم میں نہ تو نعت خوانی کے خلاف مہم ہے نہ فلم میں نعت خواہوں کے خلاف کوئی تنقید ہے نہ ہی اسلام پر تنقید کی گئی ہے۔

حمزہ علی عباسی نے کہا کہ زندگی تماشہ بہت اچھی فلم ہے جس کی کہانی ہی یہ ہے کہ ’اگر آپ نعت خواں ہیں، اللہ کی حمد پڑھتے ہیں تو اس لحاظ سے آپ پر بہت سی ذمہ داریاں عائد ہوتی ہیں کہ آپ کو ان سرگرمیوں سے دور رہنا پڑتا ہے جس سے آپ کی شخصیت پر منفی اثرات مرتب ہوں کیونکہ ایک عام انسان اگر کوئی غلطی کرتا ہے تو اس پر اتنا ردعمل نہیں ہوتا یا اس کی ایک علیحدہ سزا ہےجتنا شدید رد عمل اگر کوئی عالم دین یا مولوی اگر وہی غلطی کرے تو ملتا ہے اور اسے اس کی دوگنا زیادہ سزا ملتی ہے‘۔

 حمزہ عباسی کا کہناتھا کہ  زندگی تماشہ کی کہانی میں یہی پیغام دکھایا گیا ہے اس کے ٹریلر سے لے کر اسٹوری لائن تک ایسی کوئی بھی غیر اخلاقی بات یامنفی  پیغام نہیں جس پر اتنا واویلا مچایا جائے اور عدم برداشت کا رویہ اپنایا جائے۔

انہوں نے کہا کہ ایسا رویہ جو عدم برداشت کا رویہ ہے یہ مذہب کی بدنامی کا باعث بن رہا ہے جو لوگ جو یہ رویہ دکھا رہے ہیں چونکہ وہ عاشق رسول صلی اللہ علیہ وآلہ وسلم ہونے کا دعوی کرتے ہیں ان صلی اللہ علیہ وآلہ وسلم سے محبت کا دعوی کرتے ہیں بلکہ وہ آپ صلی اللہ علیہ وآلہ وسلم سے محبت اور عشق یقیناً کرتے بھی ہیں۔

حمزہ علی نے ان سے درخواست کرتے ہوئے کہا کہ ان سے بس گذارش یہ ہے کہ وہ جس شخصیت صلی اللہ علیہ وآلہ وسلم کی محبت کا دعویٰ کرتے ہیں حمزہ علی عباسی نے نبی پاک صلی اللہ علیہ وآلہ وسلم سے اپنی محبت کا اقرار کرتے ہوئے کہا کہ وہ بھی اپنے ماں باپ سے زیادہ ان صلی اللہ علیہ وآلہ وسلم سے محبت کرتے ہیں اپنے گھر والوں سے زیادہ محبت ہے ان کی جان قربان آپ صلی اللہ علیہ وآلہ وسلم پرتو جو ان کی زندگی کی سیرت ہے انہوں نے احتجاج کرنے والوں کو مخاطب کرتے ہوئے کہا کہ وہ ان صلی اللہ علیہ وآلہ وسلم کی سیرت کو بھی فولو کریں۔