پاکستان کے معروف اداکار فیصل قریشی نے تمغۂ امتیاز نہ ملنے پر اپنے ردعمل کا اظہار طنزیہ انداز میں کیا ہے۔
ایک حالیہ انٹرویو کے دوران میزبان نے جب فیصل قریشی سے سوال کیا کہ کیا انہیں جلد ستارۂ امتیاز ملنے والا ہے، تو انہوں نے ہنستے ہوئے طنزیہ جواب دیا کہ سوچ رہا ہوں کہ ”امتیاز شاپنگ سپر اسٹور“ جا کر کھڑا ہوجاؤں اور کہوں کہ مجھے ستارہ نہیں مل رہا۔
اداکار نے گفتگو کے دوران بتایا کہ میرا نام اب تک دو مرتبہ ایوارڈ کے لیے واپس بھیجا جاچکا ہے اور وہ گزشتہ 33 سال سے شوبز انڈسٹری میں خدمات انجام دے رہے ہیں۔
View this post on Instagram
جب میزبان سے سنجیدہ انداز میں فیصل قریشی سے پوچھا کہ ایوارڈ نہ ملنے کی کیا وجہ ہوسکتی ہے؟ تو انہوں نے ایک بار پھر طنزیہ انداز میں کہا کہ شاید مجھ میں ”کیلشیم کی کمی“ ہے جس کی وجہ سے مجھے یہ اعزاز نہیں مل رہا۔
فیصل قریشی نے مزید کہا کہ مجھے یہ بھی بتایا گیا ہے کہ تمغۂ امتیاز کے لیے میرے نام کی سفارشات بھیجی جا رہی ہیں، میں خود کو ایک محبِ وطن انسان سمجھتا ہوں اور سیاست سے کوئی تعلق نہیں رکھتا تاہم جب بھی میرا نام اس اعزاز کے لیے منظور ہوگا تو میں اسے خوشی سے قبول کروں گا۔
