پاکستانی شوبز انڈسٹری کی معروف اداکارہ ماہرہ خان نے کہا ہے کہ معاشرے میں ذہنی صحت کے مسائل سے متعلق آگاہی بڑھانے اور اس موضوع پر کھل کر بات کرنے کی ضرورت ہے۔
لندن میں منعقدہ برٹش ایشین ٹرسٹ کی ایک تقریب کے موقع پر میڈیا سے گفتگو کرتے ہوئے ماہرہ خان نے کہا کہ آج بھی بہت سے لوگ ذہنی صحت یا مینٹل ہیلتھ کے مسائل پر بات کرتے ہوئے جھجک اور شرمندگی محسوس کرتے ہیں۔
انہوں نے کہا کہ ذہنی امراض بھی دیگر جسمانی بیماریوں کی طرح ہیں اور انہیں بھی سنجیدگی سے لینے کی ضرورت ہے۔ ذہنی صحت کے حوالے سے آگاہی پیدا کرنے میں مختلف اداروں اور شخصیات کا کردار نہایت اہم ہے۔
View this post on Instagram
اداکارہ نے معاشرے میں ہراسانی اور تشدد کے بڑھتے ہوئے واقعات پر تشویش کا اظہار کرتے ہوئے کہا کہ ایسے واقعات قابلِ مذمت ہیں۔
ماہرہ خان کا مزید کہنا تھا کہ معاشرتی رویوں اور سوچ میں مثبت تبدیلی لانا وقت کی اہم ضرورت ہے جبکہ قانون شکنی کے مرتکب افراد کو قرار واقعی سزا دے کر مثال قائم کی جانی چاہیے۔
