پاکستانی اداکارہ ہانیہ عامر نے خواتین کی کامیابی پر خوشی منانے کے بجائے ان کی کامیابی کو متنازع بنانے اور سوالات اٹھانے والے رویوں پر تنقید کی ہے۔
اداکارہ نے اپنے انسٹاگرام پر ایک اسٹوری شیئر کی جس میں انہوں نے کسی کا نام لیے بغیر خواتین کی کامیابی سے متعلق معاشرتی رویوں پر اپنے خیالات کا اظہار کیا۔
ہانیہ عامر نے اپنی اسٹوری میں کہا کہ سب کی محبت اپنی جگہ تاہم یہ بات قابلِ غور ہے کہ جب کامیابی کسی خاتون کے حصے میں آتی ہے تو اچانک برانڈز اور ان کی مارکیٹنگ سے متعلق سوالات اٹھنے لگتے ہیں۔
اداکارہ کا یہ ردِعمل اس وقت سامنے آیا جب کانٹینٹ کریئیٹر معیز قاضی نے مختلف برانڈز کی جانب سے ہانیہ عامر کو ماڈل کے طور پر منتخب کیے جانے پر سوال اٹھایا تھا۔
View this post on Instagram
ہانیہ نے اگرچہ اپنی پوسٹ میں کسی مخصوص شخص یا معاملے کا نام نہیں لیا تاہم ان کی انسٹاگرام اسٹوری کو سوشل میڈیا صارفین نے اسی بحث کے تناظر میں دیکھا۔
اداکارہ کی جانب سے خواتین کی کامیابی کو تنقید کے بجائے سراہنے کے پیغام نے سوشل میڈیا پر توجہ حاصل کی ہے۔
