پاکستان کی سینئر اداکارہ نادیہ افگن نے موجودہ دور کے اپنے پسندیدہ اداکاروں اور اداکاراؤں کے نام بتاتے ہوئے ان کی صلاحیتوں کی کھل کر تعریف کی ہے۔
حال ہی میں نادیہ افگن نے ایک نجی ٹی وی پروگرام میں بطور مہمان شرکت کی جہاں انہوں نے پاکستانی ٹیلی وژن اور فلم انڈسٹری سے وابستہ مختلف فنکاروں کے حوالے سے گفتگو کی۔
پروگرام کے دوران جب ان سے موجودہ دور کی پسندیدہ اداکارہ کے بارے میں سوال کیا گیا تو انہوں نے سجل علی کا نام لیتے ہوئے انہیں اپنی پسندیدہ اداکاراؤں میں سرفہرست قرار دیا۔
View this post on Instagram
نادیہ افگن نے سجل علی کی اداکاری کو سراہتے ہوئے کہا کہ ان کے تاثرات اور اداکاری میں غیر معمولی وسعت ہے۔ سجل ایک شاندار اداکارہ ہیں اور وہ ہر طرح کے کردار بخوبی نبھانے کی صلاحیت رکھتی ہیں۔
سینئر اداکارہ نے اقرا عزیز اور سحر خان کی پرفارمنس کی بھی تعریف کی اور انہیں باصلاحیت فنکاراؤں میں شمار کیا۔
مرد اداکاروں میں نادیہ افگن نے احد رضا میر اور فرحان سعید کے نام بھی لیے۔ انہوں نے احد رضا میر کے فطری اندازِ اداکاری کو سراہتے ہوئے کہا کہ میں ایسے فنکاروں کو پسند کرتی ہیں جن کی پرفارمنس اتنی قدرتی ہو کہ ناظرین اداکاری کے بجائے کردار کو محسوس کریں۔
View this post on Instagram
نادیہ افگن کا کہنا تھا کہ میں ان اداکاروں کی معترف ہوں جن کی اداکاری اتنی رواں اور فطری ہو کہ ناظرین یہ بھول جائیں کہ وہ کسی فنکار کی پرفارمنس دیکھ رہے ہیں۔
فرحان سعید کے حوالے سے گفتگو کرتے ہوئے نادیہ افگن نے ان کے ساتھ اپنی یادگار اسکرین کیمسٹری کا ذکر کیا اور محبت کا اظہار کرتے ہوئے انہیں اپنا بیٹا قرار دیا۔
