بادام کے درخت سے حاصل ہونے والی بادام اپنے ذائقے، غذائیت اور افادیت کی بنا پر دنیا کی بہترین غذائوں میں شامل ہے۔ اس کا استعمال صدیوں سے کیاجارہا ہے۔ بادام کو سادہ اور روسٹ کرکے بھی کھایا جاتا ہے ساتھ ہی روغن بادام اور آلمنڈ ملک بھی بے پناہ مفید ہیں۔
اس میں فائبر، پروٹین، مفید چکنائی، وٹامن ای، وٹامن بی 3، میگنیز، میگنیشیم، کوپراور فاسفورس وافر مقدارمیں پایا جاتا ہے۔
بادام کھائیں کیلوریز گھٹائیں
اس میں موجود کاربوہائیڈریٹ، پروٹین اور فائبر بھوک کو کنٹرول کرتے ہیں۔ اور انسان بلا وجہ کی بھوک سے محفوظ رہتا ہے۔
دماغی صحت کی ضامن
اسے دماغ کے لیے بہترین غذا میں شمار کیا جاتا ہے۔ اس میں موجود وٹامن ای اوردیگرغذا ئی اجزائ عمر کے ساتھ ہونے والی دماغی بیماریوں جیسے ڈیمنشیا اورالزائمر سے بچانے میں مدد فراہم کرتے ہیں۔
امرض قلب سے محفوظ رکھے
اس کا باقاعدہ استعمال خون میں اچھے کولیسٹرول یعنی ایچ ڈی ایل میں اضافہ جبکہ برے کولیسٹرول یعنی ایل ڈی ایل میں کمی لا کر دل کو کئی امراض محفوظ رکھتا ہے، اور اسے تقویت دیتا ہے۔
جسم میں ہونے والی جلن سے بچائے
اس میں شامل دو اہم فیٹی ایسڈ جسم میں ہر طرح کی جلن کو ختم کرتے ہیں اور ساتھ ہی سرطان کے خطرہ کو بھی کئی گناہ کم کر دیتے ہیں۔
اس سے ہڈیاں مضبوط، بلڈ پریشر اور بلڈ شوگر لیول بھی کنٹرول رہتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News