صدرڈونلڈٹرمپ نےنیویارک میں اضافی ایک ہزارفوجی تعینات کرنےکااعلان کرتےہوئےکہاکہ ہم ایک ایسی جنگ لڑرہےہیں جس کی تربیت کسی کونہیں دی گئی۔
تفصیلات کےمطابق امریکی صدرڈونلڈ ٹرمپ نےکورونا ٹاسک فورس کےہمراہ پریس کانفرنس کرتےہوئےکہاکہ اگلے 2 ہفتےکوروناوائرس کےخلاف جنگ میں سب سےمشکل ہوں گے، اس دوران اموات میں بہت زیادہ اضافےکاخدشہ ہے۔
ڈونلڈٹرمپ نےکوروناکی روک تھام کےسلسلےمیں انتظامیہ کی مدد کےلیےمزید ایک ہزارفوجی نیویارک میں تعینات کرنےکااعلان کرتےہوئےکہاکہ مختلف ریاستوں کی مددکےلیے بھی ہزاروں فوجی جوان تعینات کریں گے، کوروناکےخاتمےاورملک کوپھرسےکھولنےکےلیےوسائل کاہرممکن استعمال کریں گے۔
امریکی صدرکامزیدکہناتھاکہ حکومت کی طرف سےکچھ وینٹی لیٹرزبھی نیویارک بھیجےجائیں گے، وفاقی ایجنسیوں نے 180 ملین ماسک آرڈرکیےہیں۔
امریکی صدرکاکہناتھاکہ فوجی اہل کارایسی لڑائی میں جارہےہیں جس کےلیےوہ تربیت یافتہ نہیں، کسی کو بھی اس جنگ کےلیےتربیت نہیں دی گئی۔
واضح رہےکہ امریکی ریاست نیویارک میں کوروناوائرس سے ساڑھے 3 ہزار سےزائد اموات، ایک لاکھ 10 ہزارسےزائد کیسزریکارڈ کیےجاچکےہیں،30 سے زائد پاکستانی نژادامریکی شہری بھی کورونا وائرس کےباعث جاں بحق ہوچکےہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News