پی ایس ایل کی ٹیم کوئٹہ گلیڈی ایٹرز کےکھلاڑی کرس گیل کا پاکستان سپر لیگ 6 میں فی الحال سفر ختم ہوگیا۔
تفصیلات کے مطابق سری لنکا کے خلاف ہوم ٹی 20سیریز کے لیے کرس گیل وطن واپس لوٹ رہے ہیں،انھوں نے کوئٹہ کی 2 میچز میں نمائندگی کی، گزشتہ روز انھوں نے میچ میں لاہور قلندرز کے خلاف 40 بالز پر 68 کی اننگزبھی کھیلی۔
ذرائع کے مطابق سری لنکا سے سیریز ختم ہونے کے بعد ضرورت پڑنے پرکرس گیل دوبارہ کوئٹہ گلیڈی ایٹرز کوجوائن کرسکتے ہیں۔
واضح رہےکہ افغانستان کے کھلاڑی راشد خان بھی زمبابوے کے خلاف ہوم سیریز میں مصروفیت کے باعث وطن واپس چلے گئے، انھوں نے لاہور قلندرز کی طرف سے صرف دو میچز میں حصہ لیا۔
راشد خان کا کہنا تھا کہ کرکٹ فینز کی سپورٹ اور پیار کا شکر گزار ہوں ، انشاء اللہ آئندہ سال اکٹھے ہونگے۔
واضح رہےکہ پاکستان سپرلیگ (پی ایس ایل) 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے باآسانی شکست دے دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News