برطانوی شہری عام طور پر چائے کے دلدادہ ہوتے ہیں اور یہ مشروب ان کے رہن سہن کا اہم حصہ ہے۔
برطانیہ میں چائے کا ایک کپ بنانے کو تقریباً ایک مقدس رسم کے طور پر لیا جاتا ہے۔ یہ چائے مختلف طرح سے بنائی جاسکتی ہے، برطانوی شہری چائے پینا بے حد پسند کرتے ہیں۔
برطانیہ میں لوگ لان میں بیٹھ کر اور دفتروں میں چائے کی چسکیاں لیتے ہیں۔ اس کے علاوہ چھوٹے بڑے ریستورانوں اورہوٹلوں میں بھی چائے کا خاص انتظام کیا جاتا ہے۔ برطانوی شہری چائے کا بیگ نکالتے ہیں، گرم پانی ڈالتے ہیں، دودھ ملاتے ہیں اور پیتے ہیں۔
اس حوالے سے لیڈزیونیورسٹی کے پروفیسر ایلن ماکی چائے کو زیادہ ذائقہ دار بنانے کے حوالے سے نئی تحقیق سامنے لائے ہیں۔
پروفیسر ایلن ماکی نے اپنی تحقیق میں دعویٰ کیا ہے کہ کپ میں ٹی بیگ پر گرم پانی ڈالنے سے پہلے دودھ ڈالا جائے تو اس سے چائے زیادہ مزیدار اور ذائقہ دار ہوجاتی ہے۔
برطانوی پروفیسر نے کہا کہ کپ میں ابلتے ہوئے پانی کو شامل کرنے سے پہلے چائے کے تھیلے پر دودھ ڈالنے سے اس کا ذائقہ دوبالا ہوجاتا ہے۔
ایلن ماکی کی تحقیق کے مطابق سخت پانی میں معدنیات موجود ہوتے ہیں جو ذائقہ کے مرکب بنانے سے روکتے ہیں۔ چائے کے کپ میں پہلے دودھ ڈالنے کے بعد گرم پانی ڈالنے سے یہ مرکبات جلدی حل ہوجاتے ہیں۔
انہوں نے سخت پانی والے علاقے کے لوگوں کو مشورہ دیا ہے کہ وہ چائے کو زیادہ مزیدار بنانے کے لیے یہ طریقہ ضرور آزمائیں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News