وزیراعظم دلیر سفیر کے طور پر ہر عالمی فورم پر کشمیر کا مقدمہ لڑتے رہیں گے، فرخ حبیب

انوشہ شیخ

26th Jul, 2021. 09:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم دلیر سفیر کے طور پر ہر عالمی فورم پر کشمیر کا مقدمہ لڑتے رہیں گے، فرخ حبیب

وزیرمملکت فرخ حبیب کہتے ہیں کہ وزیراعظم عمران خان دلیر سفیر اور سچے وکیل کے طور پر ہر عالمی فورم پر کشمیر کا مقدمہ لڑتے رہیں گے۔

آزاد کشمیر الیکشن سے متعلق اپنے جاری کردہ بیان میں انہوں نے کہا ہے کہ جن لوگوں نے کشمیر کا سودا کیا ہے انھیں آج کشمیریوں نے ووٹ سے “ریجیکٹیڈ” بنا دیا ہے جبکہ کشمیر کے عوام نے دھونس، دھاندلی، الزامات اور تنقید کی سیاست کو بھی زمین بوس کردیا ہے۔

وزیر مملکت کا مزید کہنا تھا کہ آزاد کشمیر اور ملک کے مختلف حصوں میں بسنے والے کشمیریوں کا شکریہ جنہوں نے عمران خان پر اعتماد کا اظہار کیا ہے اور کشمیریوں نے پی ٹی آئی کو جو مینڈیٹ دیا اس کے احترام کے ساتھ ساتھ تعمیر و ترقی کا جال بچھائیں گے۔

انہوں نے یہ بھی کہا کہ 25 جولائی اب تاریخ کا حصہ بن چکا ہے، اس دن کشمیریوں نے مودی کے یاروں، جعلی اکاؤنٹس، منی لانڈرنگ اور سرٹیفائیڈ جھوٹوں کو سبق سکھایا ہے۔

ملک میں عام انتخابات کے بعد گلگت بلتستان اور آزاد کشمیر کے عوام نے دونوں کرپٹ جماعتوں کو الوداع کہہ دیا ہے۔

فرخ حبیب کا مزید کہنا تھا کہ جو اپنی شادیوں پر مودی کو بلائیں، آموں اور ساڑھیوں کے تحائف لیں اور حریت رہنماؤں کو نظر انداز کریں تو کشمیری ان کو کبھی معاف نہیں کرسکتے۔