معاون خصوصی برائے اطلاعات ڈاکٹر فردوس عاشق اعوان کہتی ہیں کہ وزیراعظم عمران خان کی قیادت میں کشمیر میں ترقی اور خوشحالی کی نئی تاریخ رقم ہونے جا رہی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں انہوں نے لکھا ہے کہ کشمیرکپتان کا ہوچکا ہے ، 25 جولائی کا دن پی ٹی آئی کی جیت اور کشمیریوں کی تقدیر بدلنے کا دن ہے۔

وزیراعظم عمران خان کی قیادت میں کشمیر میں ترقی و خوشحالی کی نئی تاریخ رقم ہونے جا رہی ہے۔کشمیرکپتان کا ہوچکا ہے۔پورے ملک میں مافیا کو عبرتناک شکست ملی ,کشمیری بھی کرپٹ جماعتوں کے چہروں مہروں کو مسترد کردیں گے۔25 جولائی کا دن پی ٹی آئی کی جیت اور کشمیریوں کی تقدیر بدلنے کا دن ہے۔

— Dr. Firdous Ashiq Awan (@Dr_FirdousPTI) July 22, 2021

انہوں نے یہ بھی لکھا کہ پورے ملک میں مافیا کو عبرتناک شکست ملی ہے اور کشمیری بھی کرپٹ جماعتوں کے چہروں مہروں کو مسترد کردیں گے۔

اپنے ٹوئٹ پیغام میں ڈاکٹر فردوس عاشق نے مزید لکھا کہ شکست کے خوف سے جعلی راجکماری حواس کھو بیٹھی ہے ، لٹو پٹو خاندان کی بہروپیہ آئیں بائیں شائیں کی بجائے آزاد کشمیر میں اپنی حکومتی کارکردگی بتائیں۔

خبطی جعلی راجکماری بغض عمران میں اندھی ہوچکی ہے۔شکست کے خوف سے جعلی راجکماری حواس کھو بیٹھی ہے۔لٹو پٹو خاندان کی بہروپیہ آئیں بائیں شائیں کی بجائے آزاد کشمیر میں اپنی حکومتی کارکردگی بتائیں۔جس نااہل راجکماری کا اپنا چچا ساتھ نہیں اس مودی کے یار کی بیٹی کا کشمیری کیوں ساتھ دیں گے؟

— Dr. Firdous Ashiq Awan (@Dr_FirdousPTI) July 22, 2021

انہوں نے مزید لکھا کہ جس نااہل راجکماری کا اپنا چچا ساتھ نہیں اس مودی کے یار کی بیٹی کا کشمیری کیوں ساتھ دیں گے۔