قائد حزب اختلاف سندھ اسمبلی حلیم عادل شیخ نے کہا ہے کہ وفاقی حکومت سندھ کی عوام کو لاوارث نہیں چھوڑے گی۔

 تفصیلات کے مطابق قائد حزب اختلاف  سندھ اسمبلی حلیم عادل شیخ نے میڈیا سے گفتگو کرتے ہوئے کہا کہ ہمارے زیر تعلیم لوگ وزیر تعلیم بنےہوئے تھے۔

ان کا کہنا تھا کہ ڈاکٹر رضوان نے رپورٹ دی کہ پیپلز پارٹی کے وزراء منشیات فروشی کررہے ہیں۔ ایس ایچ کے گھر سے منشیات نکلی ہے، پولیس وین میں اگر منشیات بکے گی تو کیا کارروائی نہیں کریں گے ۔

حلیم عادل شیخ نے کہا کہ سعید غنی صاحب اب آپ کو جواب دینا پڑے گا، اگر آپ پر الزام لگا ہے تو آپ بتاتے کہ ہمارا تعلق نہیں تھا۔ اگر ایسا کچھ نہیں تو جا کر ایف آئی کو جواب دینے کے بجائے ڈی جی ایف آئی اے کو دھمکیاں دے رہے ہیں۔

ان کا کہنا تھا کہ سندھ حکومت نے چیف جسٹس کے خلاف تقریر کروائی، کوئی ورکرز چیف جسٹس کے خلاف تقریر نہیں کرتا ۔

قائد حزب اختلاف سندھ اسمبلی کا کہنا تھا کہ یہ لوگ اسمبلی فلور کو اداروں کو دھمکیاں دینے کےلیے استعمال کررہے ہیں۔

حلیم عادل شیخ کا کہنا تھا کہ سندھ پولیس کہتی ہے کہ ہمارے پاس وسائل نہیں ہیں،سندھ میں اگر ڈاکو راج ہو تو  یہ لوگ وفاقی وزیر کو دھمکیاں دیتے ہیں۔

قائد حزب اختلاف سندھ اسمبلی حلیم عادل شیخ کا مزید کہنا تھا کہ آئین اور قانون میں جو اختیارات ہیں وہ کریں گے۔