شمالی کوریا کا چلتی ٹرین سے بیلسٹک میزائل کا تجربہ

اسفا سروت

16th Sep, 2021. 09:55 am

شمالی کوریا نے چلتی ٹرین سے بیلسٹک میزائل کا تجربہ کیا ہے۔

خبر ایجنسی کے مطابق شمالی کوریا کی مشرقی بندرگاہ کے قریب چلتی ہوئی ٹرین سے میزائل کا تجربہ کیا گیا۔

شمالی کورین حکام کے مطابق ٹرین لانچ میزائل نیا نظام ہے جو حملہ آور دشمن کو نشانہ بنانے کیلئے تیار کیا گیا ہے۔

واضح رہے کہ پیانگ یانگ نے دو روز قبل بھی ایک کروز میزائل کا تجربہ کیا تھا۔ اس وقت اُس کے اتحادی ملک چین کے وزیر خارجہ جنوبی کوریا کے اپنے ہم منصب سے بات چیت کر رہے تھے۔

اس کے علاوہ جنوبی کوریا کے جوائنٹ چیف آف اسٹاف نے بدھ کے روز بتایا تھا کہ شمالی کوریا نے پیر کے روز طویل دوری تک مار کرنے والے کروز میزائل کے تجربے کے بعد بدھ کو دو بیلسٹک میزائلوں کا تجربہ کیا تھا۔

خیال رہے کہ شمالی کوریا نے پیر کے روز طویل دوری تک مار کرنے والے کروز میزائل کا تجربہ کیا تھا۔

Adsence 300X250