مانچسٹر یونائیٹڈ کے چھ ماہ کے لئے تعینات عبوری کوچ رالف رنگینک نے مستقل کوچ بننے کا ارادہ ظاہر کر دیا۔

عبوری کوچ رنگینک نے کلب کے سابق کوچ گنرسولسکیر کے دو سالہ معاہدے کی مدت ختم ہونے کے بعد کلب کے عبوری کوچ کی ذمہ داریاں سنبھالی تھی جو لیگ کے پہلے سیزن کے اختتام تک جاری رہیں گی۔

عبوری کوچ نے کہا کہ اگر سیزن کے اختتام تک سب کچھ ٹھیک رہا تو میں انتظامیہ سے وہی سفارش کروں گا جو RB Leipzig کلب میں دو بار کی تھی۔ فی الحال یہ میری ذاتی ذہنی اختراع ہے۔

عبوری کوچ رالف رنگینک مانچسٹر یونائیٹڈ کے کوچ کے طور پر کرسٹل پیلس کے خلاف اتوار کو ہونے والے میچ میں ایکشن میں نظر آئیں گے، انہوں نے مانچسٹر یونائیٹڈ اور آرسنل کے درمیان اولڈ ٹریفورڈ میں ہونے والا میچ اپنے گھر پر دیکھا تھا۔

رالف رنگینک نے کہا کہ فی الحال میری پوری توجہ اگلے میچوں پر مرکوز ہے اور میری خواہش کے ٹیم کی کارکردگی میں مزید نکھار آئے، مجھے یہ تو نہیں معلوم کہ آنے والی گرمیوں میں کیا حالات ہوں گے مگر میری خواہش ہے مانچسٹر یونائیٹڈ اس لیگ کا اختتام فاتح کی حیثیت سے کرے۔