بھارت میں ایک شادی کی تقریب میں آگ لگنے کے باوجود لوگ شادی کا کھانا کھانے میں مصروف دکھائی دے رہے ہیں۔
سوشل میڈیا پر شادی کی تقریبات سے متعلق اکثر ویڈیوز وائرل ہوتی رہتی ہیں اور زیادہ تر ان وائرل ویڈیوز کا تعلق بھارت سے ہوتا ہے جہاں دلہن کے بھاگنے ، خود گاڑی چلانے یا پھر دلہا کو تھپڑ مارنے کی ویڈیوز آئے روز سامنے آتی رہتی ہیں لیکن اس بار دلہا دلہن کے بجائے باراتیوں کی ویڈیو سامنے آئی ہے۔
بھارتی ریاست مہاراشٹرا کے شہر بھیونڈی کے انصاری میرج ہال میں شادی کی تقریب جاری تھی کہ اس دوران باراتی ’شادی کا کھانا‘ کھانے میں مصروف تھے کہ اچانک ان کے پیچھے خطرناک آگ بھڑک اٹھتی ہے جس سے لوگ فوراً کھانا چھوڑ کر اپنی نشستوں سے اٹھ جاتے ہیں۔
Advertisement— Purohit33 (@purohitrit) November 29, 2021
ویڈیو میں دیکھا جاسکتا ہے کہ آگ لگنے کے باوجود کچھ لوگ ٹیبل پر آرام سے بیٹھے ہوئے ایسے کھانا کھانے میں مصروف ہیں کہ جیسے کچھ ہوا ہی نہیں ہو البتہ ایک شخص شدید پریشان دکھائی دے رہا ہے اور بار بار پیچھے بھی مڑ کردیکھ رہا ہے لیکن وہ شادی کا کھانا نہیں چھوڑنا چاہتا جس کے باعث قورمہ کھانے میں مصروف ہے۔
بھارتی فائر سروس کے مطابق آگ انصاری میرج ہال کے اسٹور روم میں رات 10 بجے کے قریب لگی جس سے وہاں موجود کرسیاں بھی مکمل طور پر جل گئیں تاہم کسی قسم کا جانی نقصان نہیں ہوا۔
رپورٹس کے مطابق فائر سروس والوں نے فوری طور پر موقع پر پہنچ کر آگ پر قابو پالیا تاہم آگ لگنے کی وجہ معلوم نہیں ہوسکی البتہ خدشہ ظاہر کیا جارہا ہے کہ بچوں کی جانب سے پٹاخے چھوڑنے کے باعث وہاں موجود پردوں کو آگ لگی جو دیکھتے ہی دیکھتے پھیل گئی۔
سوشل میڈیا پر ویڈیو وائرل ہونے کے بعد صارفین کی جانب سے دلچسپ کمنٹس کیے جارہے ہیں۔ ایک صارف نے لکھا ’’آگ لگی بستی میں اور ہم اپنی مستی میں‘‘۔ جب کہ ایک صارف نے عامر خان کی فلم ’تھری ایڈیٹس‘ کا مشہور جملا شیئر کیا ’’ہٹاو یار مٹر پنیر پر فوکس کرو‘‘۔
ایک اور صارف نے لکھا ’’جان جائے مگر شادی کا کھانا نہ جائے‘‘، ایک صارف نے آگ لگنے کے باوجود کھانا کھانے میں مصروف شخص کے لیے لکھا اس حرکت سے ان صاحب کی زندگی میں ترجیحات کا پتہ لگ رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News