اکثرغلط سونے کی وجہ سے ہماری گردن ٹھہر جاتی ہے یا پھر مسلسل کمپیوٹر کے سامنے کام کرنے کی وجہ سے گردن میں شدید درد ہوتا ہے۔

لیکن ہماری روز مرہ کی مصروفیات اور طرزِ زندگی کی وجہ سے ہم اپنا خیال نہیں رکھ پاتے اور اس قسم کے درد کو نظر انداز کر دیتے ہیں، تاہم گردن کا درد ہمارے لئے خطرناک بھی ثابت ہو سکتا ہے، اس لئے اس کا فوری علاج ضروری ہے۔

اس درد سے کیسے نجات پائی جا سکتی ہے اس سے متعلق چند گھریلو نسخے ذیل میں موجود ہیں۔

گردن کے درد سے نجات کے گھریلو نسخے

سیب کا سرکہ

آپ نے سوچا بھی نہیں ہوگا کہ سیب کا سرکہ آپ کی گردن کے درد کو بھی ختم کر سکتا ہے،ایک چھوٹے سائز کے کپڑے یا چھوٹی تولیہ کو سیب کے سرکے میں بھگوئیں اور اس کو گردن کے اس حصے پر رکھیں جہاں درد ہو کچھ دیر کے لئے وہاں تولیہ کو رکھ کر دبائیں، کچھ ہی دیر میں درد غائب ہو جائے گا۔

گرم یا سرد کمپریس

سرد یا گرم کمپریس یعنی گرم پانی کو ہاٹ واٹر پیڈ میں بھر کر یا پھر کولڈ پیڈ سے گردن کی سکائی کرنے سے آپ کو گردن کے درد سے کچھ ہی دیر میں نجات مل سکتی ہے۔ اس سے خون کا بہاؤ بڑھتا ہے اور سکون بھی ملتا ہے۔

گردن کے درد سے نجات کے لئے ایک وقت میں 15 منٹ کے لیے ٹھنڈی یا گرم سکائی کریں فوری آرام کے لیے دن میں کم از کم 3-4 بار ایسا لازمی کریں کریں۔

گرم پانی سے نہائیں

سردی ہو یا گرمی نیم گرم پانی سے نہانا صحت پر بہترین اثرات مرتب کرتا ہے، گردن میں یا جسم کے کسی بھی حصے میں درد ہو تو گرم پانی سے نہائیں اور بار بار جسم کے اس حصے پر گرم پانی ڈالیں جہاں درد ہو، ایسا کرنے سے درد میں کمی آئے گی۔

تیل کی مالش

گردن کا درد ہمارے پٹھوں کے تناؤ، کھچاؤ اور نمی میں کمی کی وجہ سے بھی ہوتا ہے اس سے بچنے کے لئے پودینے کے تیل یا پھر ناریل کے تیل سے گردن کی مالش کریں، ایسا کرنے سے خون کی رگوں کو گرماہٹ ملے گی اور پٹھوں کا کھچاؤ دور ہوگا۔

سونے کا طریقہ اور نیند کی کمی

نیند کی کمی اور سونے کے لئے لیٹنے کی غلط پوزیشن بھی بھی کمر، سر اور گردن کے درد کی وجہ بن سکتی ہے اس لئے مکمل نیند لیں اور ساتھ اپنی سونے کی پوزیشن کو بدلیں، اور کوشش کریں کہ روزانہ 8 گھنٹے کی نیند ضرور لیں