عمر بڑھنے کے ساتھ کئی مسائل جنم لینے لگتے ہیں ان ہی میں ہڈیوں کی کمزوری بھی شامل ہے تاہم بعض اوقات غیر متوازن غذاؤں کے استعمال اور منفی طرزِ زندگی کی وجہ سے ہڈیوں کے مسائل کم عمری میں بھی سامنے آنے لگتے ہیں۔
اس ضمن میں ماہرین صحت کا کہنا ہے کہ طرزِ زندگی اور کھانے کی عادات میں تبدیلی لاکر ہڈیوں کو مضبوط بنایا جا سکتا ہے۔ یہاں پر ہڈیوں کی کمزوری کو دور کر نے کے چند قدرتی علاج پیش کیے جارہے ہیں۔
سبزیاں کھائیں ہڈیاں مضبوط بنائیں
سبزیوں کے استعمال کو ہڈیوں کی کمزوری کا سب سے بہترین دیسی علاج سمجھا جاتا ہے۔ سبزیوں کے استعمال سے جسم کو کافی مقدار میں وٹامن سی حاصل ہوتا ہے جس سے ہڈیاں بنانے والے خلیہ کی افزائش ہوتی ہے۔ اس کے علاوہ سبزیوں سے حاصل ہونے والے وٹامن سی کی وجہ سے ہڈیوں کے خلیات کو نقصان بھی نہیں پہنچتا، کیوں کہ وٹامن سی جسم میں اینٹی آکسیڈنٹ کے طور پر کام کرتا ہے۔اس کے ساتھ ساتھ سبزیوں کے استعمال سے ہڈیوں میں موجود منرلز کی سطح میں بھی اضافہ ہوتا ہے۔ ان منرلز میں کیلشیم اور فاسفورس شامل ہیں۔ جسے ہڈیوں کے لیے بہترین تصور کیا جاتا ہے۔
بھرپور نیند
ایک تحقیق کے مطابق پچاس برس سے زائد عمر والی خواتین میں ہڈیوں کے بھربھرے پن کی وجی نیند کی کمی تھی یہی وجہ ہے ماہرین 7سے8 گھنٹے کی پرسکون نیند لینے کا مشورہ دیتے ہیں جو آپ کی ہڈیوں کو صحت مند رکھنے کے ساتھ مجموعی صحت کو بہتر بناتی ہے۔
پروٹین سے بھر غذا کا استعمال
پروٹین کے استعمال کے بغیر صحت مند ہڈیوں کا خواب پورا نہیں ہو سکتا، کیوں کہ ہڈیوں کا پچاس فیصد حصہ پروٹین پر مشتمل ہوتا ہے۔ طبی تحقیقات کے مطابق پروٹین کو استعمال نہ کرنے کی وجہ سے ہڈیاں بہتر طریقے سے کیلشیم بھی جذب نہیں کر پاتیں۔ اگر ہر روز ایک سو گرام تک پروٹین استعمال کیا جائے تو نہ صرف ہڈیوں کی صحت میں بہتری آئے گی بلکہ مجموعی طور پر بھی صحت بہتر ہو گی۔
کیفین کے مشروبات میں کمی
کیفین کے استعمال میں کمی کو بھی ہڈیوں کی کمزوری کا دیسی علاج سمجھا جاتا ہے۔ اگر کیفین کو تھوڑی مقدار میں حاصل کیا جائے تو یہ ہڈیوں کے لیے نقصان دہ ثابت نہیں ہوتی، تاہم اگر اسے زیادہ مقدار میں استعمال کیا جائے تو اس سے ہڈیوں پر منفی اثرات ظاہر ہو سکتے ہیں۔
وٹامن کے اور ڈی
وٹامن ڈی اور کے کو بھی ہڈیوں کی مضبوطی کے لیے مفید سمجھا جاتا ہے۔ وٹامن ڈی جسم اور ہڈیوں کو کیلشیم جذب کرنے میں مدد دیتا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News