میکسیکو کی ریاست گیریرو میں گیارہ پولیس اہلکار ہلاک ہوئے جبکہ میچواکان اور پیوبلا میں بھی حملے ہوئے۔

عالمی خبر رساں ادارے کی خبر کے مطابق میکسیکو کے وسطی اور جنوب مغربی علاقوں میں ایک دن کے دوران ہونے والے پرتشدد واقعات میں ایک درجن پولیس اہلکاروں سمیت کم از کم 22 افراد ہلاک ہو گئے ہیں۔

پیر کے روز سب سے شدید حملے میں نامعلوم حملہ آوروں نے ریاست گیریرو کی میونسپلٹی کویوکا ڈی بینیٹیز میں ایک سکیورٹی گشتی ٹیم پر حملہ کیا جس میں 11 میونسپل پولیس اہلکار ہلاک ہو گئے۔

غیر منافع بخش تنظیم کوسا این کومون کے مطابق اس سال ہلاک ہونے والے افسران کی تعداد 340 سے زیادہ ہو گئی ہے۔

پراسیکیوٹر الیگزینڈرو ہرنینڈز نے کہا کہ حکام میکسیکو کی غریب ترین ریاستوں میں سے ایک گوریرو میں ہونے والے حملے کے محرکات کی تحقیقات کر رہے ہیں جو منشیات کے اسمگلروں اور پولیس کے درمیان تشدد کا مرکز ہے۔

سرکاری استغاثہ نے بتایا کہ گیریرو کے شمال میں واقع ریاست میچواکان میں مسلح افراد نے مقامی میئر کے بھائی کو نشانہ بناتے ہوئے پانچ افراد کو ہلاک کر دیا۔

جبکہ ایک پولیس افسر سمیت پانچ ہلاک شدگان کی لاشیں تاکمبرو قصبے میں ایک شاہراہ پر ملی ہیں۔

علاقائی حکومت کے مطابق تیسرے حملے میں پوبلا میں مبینہ منشیات فروشوں کے درمیان فائرنگ کے تبادلے میں کم از کم چھ افراد ہلاک اور دو زخمی ہوئے۔

یہ جھڑپ دارالحکومت میکسیکو سٹی سے تقریبا 120 کلومیٹر دور سان میگوئل کینووا کی دیہی قبیلے میں ہوئی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں