امریکی محمکمہ موسمیات کا کہنا ہے کہ میکسیکو کو ممکنہ کیٹیگری 5 کے سمندری طوفان سے تباہ کن نقصان کا خطرہ ہے۔

عرب میڈیا کے مطابق امریکہ کے نیشنل ہریکین سینٹر نے کہا ہے کہ میکسیکو کے جنوبی ساحل پر بدھ کے روز سمندری طوفان اوٹس کی تیاریاں جاری ہیں کیونکہ کیٹیگری فائیو کا طوفان اکاپلکو کے ساحلی مقامات سے ٹکرایا ہے جس سے ‘تباہ کن نقصان’ کا خدشہ ہے۔

امریکی نیشنل ہریکین سینٹر نے بتایا کہ طوفان اکاپولکو کے قریب زمین پر پہنچ گیا ، جس سے زیادہ سے زیادہ 270 کلومیٹر فی گھنٹہ کی رفتار سے ہوائیں چلیں اور موسلا دھار بارش ہوئی۔

حکام کا کہنا ہے کہ یہ طوفان گیریرو اور اوکساکا کے کچھ حصوں میں سینٹی میٹر تک کی غیر معمولی بارش لا سکتا ہے۔

اس طوفان سے سیلاب اور مٹی کے تودے گرنے کا امکان ہے اور ممکنہ طور پر تباہ کن طوفانی لہریں اٹھ سکتی ہیں۔

میکسیکو کی نیشنل واٹر ایجنسی کوناگوا نے خبردار کیا ہے کہ ریاست گیریرو کے قریب چھ سے آٹھ میٹر تک بلند لہریں اٹھ سکتی ہیں۔

میامی میں واقع این ایچ سی نے مزید کہا کہ منگل کی رات 9 بجے تک اوٹس اکاپلکو سے تقریبا 55 میل جنوب جنوب مشرق میں تھا اور زیادہ سے زیادہ 257 کلومیٹر فی گھنٹہ کی رفتار سے ہوائیں چل رہی تھیں۔

گیریرو میں حکام طوفانی پناہ گاہوں کی تیاری کر رہے ہیں اور نیشنل گارڈ کا کہنا ہے کہ وہ امدادی کاموں اور انخلا کی تیاری میں مدد کر رہے ہیں۔

صدر آندریس مینوئل لوپیز اوبراڈور نے منگل کی رات سوشل میڈیا پر بتایا کہ وزارت دفاع نے طوفان کی آمد سے قبل تیاری کا منصوبہ بنایا ہے، جب فوجی اکاپلکو کے خالی ساحلوں پر گشت کر رہے ہیں۔

گورنر ایولین سالگاڈو نے سوشل میڈیا پر بتایا کہ گیریرو کے اسکولوں نے اوٹس کی آمد سے قبل بدھ کے روز کی کلاسیں منسوخ کردی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں