اگر آپ کے صوفے خراب ہوگئے ہیں یا گندے ہو رہے ہیں تو جانیئے کس طرح ان کو صاف کیا جاسکتا ہے

عروبہ خانویب ایڈیٹر

22nd Sep, 2021. 02:08 pm

گھر کا ڈرائنگ روم ایک ایسی جگہ ہوتی ہے جسے دیکھ کر لوگ انسان کے سگھڑ پن کا اندازہ لگاتا ہے۔

اسی لئے ڈرائنگ روم کو اچھے سے سجانے کے لئے اور سیٹ کرنے کے لئے اچھے اور بہترین رنگ کے صوفوں کا انتخاب کرتے ہیں۔

لیکن ان صوفوں کی صفائی بہت مشکل ہوتی ہے کیونکہ ایک تو ان کا کپڑا بہت الگ ہوتا ہے اور دھول مٹی کی وجہ سے ان کی رنگت خراب ہوجاتی ہے۔

لیکن آج ہم آپ کو بتانے جا رہے ہیں صوفوں کی صفائی کا خاص آسان طریقہ اور ان کو پالش کرنے کا گھریلو طریقہ جس سے آپ بھی آسانی سے صوفوں کی صفائی کرسکتے ہیں۔

طریقہ:

اسپرے بوتل میں ایک گلاس نیم گرم پانی، ایک چمچ بیکنگ سوڈا اور پانچ چمچ سرکہ لیں۔

 اس مکسچر کو اچھی طرح مکس کرلیں اور صوفے میں جہاں جہاں داغ ہیں وہاں اسپرے کریں اور اسفنج کی مدد سے اسے ہلکے ہاتھوں سے رگڑیں تاکہ آپ کا نرم و ملائم صوفہ خراب نہ ہو۔

 پھر ایک بار اس کو گیلے کپڑے کی مدد سے بھی صاف کریں۔ یہ صوفے صاف کرنے کا نہایت ہی آسان طریقہ ہے جو کم وقت میں آپ کے گندے صوفوں کو دوبارہ چمکا دے گا۔

صوفوں کی پالش:

سرسوں کا تیل، سرکہ اور تارپین کا تیل جو کسی بھی پینٹ کی دکان سے باآسانی مل جائے گا۔

 سب سے پہلے نیم گرم پانی لیں اور اس میں حسب ضرورت سرف شامل کردیں۔

اب اس کو کسی نرم اسفنج کی مدد سے اپنے فرنیچر کو صاف کریں تاکہ اس سے دھول مٹی اور چکنائی وغیرہ صاف ہوجائے۔

 اب اس کو کسی کاٹن کے کپڑے سے خشک کرلیں۔

 پھر ایک اسپرے بوتل میں سرسوں کا تیل، سرکہ اور تارپین کا تیل لیں اور مکس کرلیں۔

اس بات کا خیال رکھنا ہے کہ ان تینوں چیزوں کی مقدار برابر لینی ہیں۔

 پھر اس مکسچر کو فرنیچر پر اسپرے کریں اور کاٹن کے کپڑے سے صاف کرلیں۔

 گھر میں بنائے گئے اس پالش سے آپ کا فرنیچر بالکل نئے جیسا ہوجائے گا۔

Adsence 300X250