جائفل کھانوں میں استعمال ہو نے والا مصالحہ ہے لیکن آج ہم آپ کو بتاتے ہیں کہ کیسےآپ جائفل کے ایک ٹکڑے سے اسکن کے مسائل اور ایکنی کے علاج کیلئے استعمال کر سکتی ہیں۔

 خراب جلد کیلئے:

اگر آپ کی جلد خراب ہوگئی ہے اور چہرے پر بڑھتی عمر کے اثرات واضح ہو رہے ہیں تو ایک چمچ جائفل کے پاوڈر کو بیکنگ سوڈا اور شہد میں مکس کر کے ماسک تیار کریں۔

اس ماسک کو اپنے چہرے پر 20 منٹ کے لئے لگا کر چھوڑ دیں پھر خشک ہونے پر ہلکے ہاتھوں سے پانی سے منہ دھو لیں۔

اس سے جھریاں بھی کنٹرول ہونگی اور جلد بھی صاف ستھری ہوجائے گی۔

خشک جلد کیلئے:

جن کی اسکن خشک  ہے ،وہ ایک چمچ دہی میں ایک چمچ جائفل کے پاؤڈر کو مکس کریں اور جب چاہیں چہرے پر 20 منٹ کے لئے لگالیں۔

یہ بھی پڑھیں: سردی میں ’جائفل کے تیل‘ سے بچوں کی مالش کیوں ضروری ہے؟

اس سے نہ صرف پھٹی ہوئی جلد ہائیڈریٹ ہو جائے گی بلکہ جلد کی خوبصورتی بھی بڑھ جائے گی۔

 ایکنی کے دھبوں کیلئے:

چہرے پر ایکنی سے داغ دھبے اور نشانات پڑ جاتے ہیں تو ایک چمچ جائفل کا پاؤڈر اور ایک چمچ لونگ کے پاؤڈر میں دو چمچ کینو کا رس شامل کرکے چہرے پر لگائیں، اس سے آپ کو فائدہ ہوگا۔

چہرے کے کھلے مسام کیلئے:

جلد کے کھلے مساموں میں گرد جلدی بھر جاتی ہے جس کی وجہ سے اکثر خواتین پریشان رہتی ہیں ایسے میں آپ ایک چمچ جائفل پاؤڈر میں ایک چمچ ہلدی اور لیموں کا رس مکس کریں اور چہرے پر لگا کر خوب اچھی طرح رگڑیں۔

کھلے مساموں کی صفائی بھی ہو جائے گی اور ڈیڈ اسکن سیلز خود بخود جلد سے خارج ہو جائیں۔

 چکنی جلد کیلئے:

خواتین کو چکنی/آئلی جلد کے مسائل سارا سال رہتے ہیں اس کے لئے سب سے اچھا کلینزر یہ ہے،کہ ایک چمچ جائفل پاؤڈر میں ایک چمچ لیموں کا رس اور آدھا چمچ آٹا مکس کریں، لیپ بناکر چہرے پر لگائیں۔

آپ خود 15 دن میں فرق محسوس کریں گی۔ کیونکہ اس میں انزائملز موجود ہوتے ہیں جو جلدی ہی جلد کے اندر کا سارا آئل جذب کرنے کی صلاحیت رکھتے ہیں۔