ناشپاتی انتہائی صحت بخش پھل ہے، اس میں موجود فائبر کی وجہ سے ،یہ آپ کے کولیسٹرول اور بلڈ پریشر کو کم کرنے میں مدد کر سکتی ہے۔
فائبر کے علاوہ، ناشپاتی میں فلاوانولز اور اینٹیسائڈز بھی ہوتے ہیں،یہ تینوں مل کر ذیابیطس کے خطرے کو کم کرتے ہیں۔
لاتعداد طبی فوائد کے ساتھ ساتھ ناشپاتی چہرے کی جلد کو خوبصورت بنانے کیلئے بطور کریم بھی استعمال کی جا سکتی ہے۔
آئیں، جانتے ہیں کیسے؟
ناشپاتی فیس کریم:
خشک دودھ 2 چمچ
ناشپاتی کا جوس ایک چمچ
بادام/تل/زیتون کا تیل چند قطرے
دودھ اور ناشپاتی کا جوس ملا کر اچھی طرح مکس کرلیں اور اگر آپ کی جلد خشک ہے تو اس میں کسی بھی تیل کے چند قطرے ملا لیں اور یک جان کر لیں۔
اس کریم کولگا کر رات بھر لگا رہنے دیں صبح اٹھ کر منہ دھولیں۔ آپ کی جلد نرم ملائم اور حسین ہو جائے گی۔
ناشپاتی فیس پالش:
ہلدی ایک چٹکی
ناشپاتی کا گودا ایک چمچ
گندم کا آٹا یا چاول کا آٹا ایک چمچ
خشک دودھ ایک چمچ
ان تمام چیزوں کو ملا لیں، اور اس کو چہرے پر لگا لیں، آدھا گھنٹہ لگا رہنے دیں، خشک ہوجائے تو عرقِ گلاب سے صاٖف کرلیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News