ٹک ٹاک اسٹارحریم شاہ کے ساتھ اپنی تصاویرپرگورنرپنجاب چوہدری محمدسرورنے صفائی پیش کردی۔

میڈیا سےبات چیت کرتےہوئےایک صحافی نے گورنرپنجاب چوہدری محمد سرورسےحریم شاہ سے متعلق سوال کیاکہ آپ کی بھی حریم شاہ کےساتھ تصاویرسامنے آئی ہیں، کیا حریم شاہ نے بطور تحریک انصاف پارٹی کی رکن آپ سےملاقات کی تھی؟

صحافی کے اس سوال پرگورنرپنجاب چوہدری محمد سرورکاکہناہے کہ دیکھیں بات یہ ہےکہ ایک دن میں تقریباً 200 سے 400 لوگ میرے ساتھ سیلفیاں لیتے ہیں۔

گورنرپنجاب نے کہا حریم شاہ کے ساتھ میری جوتصاویر ہیں وہ گورنر ہاؤس کی نہیں ہیں، وہ کسی تقریب کی تصویرہے۔ لہٰذا اگر کوئی کسی کے ساتھ تصویر کھنچوانا چاہتا ہے تو میں نہیں سمجھتا کہ میڈیا کو اس پر اتنا بڑا مسئلہ بنانا چاہیے

حریم شاہ نےکینیڈین شہریت کیلئےاپلائی کردیا

واضح رہے کہ گذشتہ دنوں ٹک ٹاک اسٹار حریم شاہ کی وزیرریلوے شیخ رشید اور صوبائی وزیر فیاض الحسن چوہان کے ساتھ ویڈیوز اور پاکستان تحریک انصاف کے مختلف رہنماؤں کے ساتھ تصاویر وائرل ہوچکی ہیں۔

اس سے پہلے شیخ رشید نے ٹک ٹاک اسٹار حریم شاہ سے فون پر بات کرنے کے معاملے پر اپنا مؤقف جاری کیا۔

پارلیمنٹ ہاؤس میں میڈیا سے گفتگو کرتے ہوئے وفاقی وزیر ریلوے شیخ رشید نے ٹک ٹاک اسٹار حریم شاہ سے فون پر بات چیت کی تصدیق کرتے ہوئے کہا ہے کہ اگر فون پر بات کر لی تو کیا ہوا؟کوئی غلط بات نہیں کی ہے۔

ذرائع کے مطابق شیخ رشید نے اپنے نکاح سے متعلق حریم شاہ کے دعووں کی تردید کرتے ہوئے کہا کہ میں نے کوئی نکاح نہیں کیا اور نہ ہی متعہ کیا ہے۔

شیخ رشید کا مزید کہنا تھا کہ مجھے تو متعہ کا مطلب ہی نہیں پتہ یہ ہوتا کیا ہے اور جو کر رہے ہیں کرتے رہیں مجھے فرق نہیں پڑتا۔

یاد رہے کہ کچھ عرصہ  قبل ٹک ٹاک اسٹار حریم شاہ نے دعویٰ کیا تھا کہ وفاقی وزیر ریلوے شیخ رشید شادی شدہ ہیں۔

 اپنے ٹوئٹر اکاؤنٹ سے جاری ویڈیو میں حریم شاہ نے بتایا کہ ’شیخ رشید نے نکاح کیا ہوا ہے، لڑکی کہہ رہی ہے کہ میں تمہاری دوست ہوں اور میں تمہاری وجہ سے شیخ رشید سے ملی تھی۔