پاکستان تحریک انصاف کے رہنما حماد اظہر نے کہا ہے کہ یہ لوگ عوامی مینڈیٹ سے بھاگ رہے ہیں لیکن ہم انہیں بھاگنے نہیں دیں گے۔

تفصیلات کے مطابق سماجی رابطے کی ویب سائٹ پر اپنے ایک پیغام میں سابق وفاقی وزیر نے کہا کہ تحریک انصاف کے دور میں 11 اور 12 ماہانہ ایل این جی کے کارگو معمول تھے لیکن پی ڈی ایم دور میں صرف سات کارگو آئے ہیں۔

آٹھ ماہ روس سے سستی گیس اور تیل نہ لینے پہ کتنے ارب ڈالر کا پاکستان کو نقصان ہوا؟ کتنے میڈیا پروگرام ہوئے اس پر؟
تحریک انصاف کے دور میں 11 اور 12 ماہانہ ایل این جی کے کارگو معمول تھے۔۔پی ڈی ایم دور میں صرف 7۔ کتنے سنسنی والے ٹالک شو ہوئے اس پر؟

Advertisement

وقت نے بے نقاب کر دیا سب کو۔

— Hammad Azhar (@Hammad_Azhar) December 17, 2022

انہوں نے کہا کہ آٹھ ماہ روس سے سستی گیس اور تیل نہ لینے پر پاکستان کو کتنے ارب ڈالر کا نقصان ہوا ہے۔

یہ بھی پڑھیں: موجودہ حکومت کی غلط پالیسیوں کے باعث معیشت سکڑ رہی ہے، حماد اظہر

انہوں نے سوال اٹھاتے ہوئے کہا کہ پی ڈی ایم دور میں صرف سات کارگو آئے، اس صورتحال پر کتنے سنسنی خیز ٹالک شوز ہوئے، سب کو وقت نے بے نقاب کر دیا ہے۔

بعدازاں بول نیوز سے گفتگو کرتے ہوئے حماد اظہر کا کہنا تھا کہ طاقت کاسرچشمہ عوام ہے اور عوام کو دوبارہ نکلنا پڑےگا۔

انہوں نے کہا کہ آج یہ لوگ عوام کے مینڈیٹ سے بھاگ رہے ہیں  لیکن ہم پی ڈی ایم کو بھاگنے نہیں دیں گے ، ہم ملک کو الیکشن کی طرف لے کر جائیں گے۔

انہوں نے مزید کہا کہ عمران خان کودیوارسےلگادیاگیاتاکہ چوروں کاراستہ صاف رہے اور آج یہچورڈاکو این آر او لے کر بھاگ رہےہیں۔

رہما پی ٹی آئی کا کہنا تھا کہ آج بجلی کا یونٹ45 روپے ، برائلر چکن 4 سو روپے ہوگیاہے جبکہ ملک میں گیس نہیں اور روس سےسستاتیل نہیں لیا تاہم ملکی معاشی اصلاحات کیلئےایمرجنسی لگانےکی ضرورت ہے۔

ملک پر قابض کرپٹ اشرافیہ نے ملک کو مسائل کی دلدل میں دھکیل دیا ہے، علی زیدی 

دوسری جانب رہنما پی ٹی آئی علی زیدی نے کہا ہے کہ ملک کو بحرانوں سے نکالنے کے لیے عام انتخابات ناگزیر ہو چکے ہیں۔

سماجی رابطے کی ویب سائٹ پر اپنے ایک پیغام میں علی زیدی نے کہا کہ ملک پر قابض کرپٹ اشرافیہ نے ملک کو مسائل کی دلدل میں دھکیل دیا ہے، یہ اشرافیہ خود کو آئین اور قانون سے بالاتر سمجھتے ہیں۔

یہ بھی پڑھیں: عبوری حکومت مسئلے کا حل نہیں لیکن موجودہ حکومت سے بہتر ہوگی، حماد اظہر

انہوں نے کہا کہ امپورٹڈ حکمرانوں نے عوام کے حقوق سلب کیے ہوئے ہیں لیکن ہم کسی صورت اس ملک کو لٹیروں کے رحم و کرم پر نہیں چھوڑ سکتے ہیں۔

رہنما پی ٹی آئی کا کہنا تھا کہ غیر جمہوری حکومت سے ملک میں استحکام نہیں آ سکتا  اور پی ڈی ایم کو خوف ہے الیکشن کرائے گئے تو پی ٹی آئی جیت جائے گی، یہ ایک فیصلہ کن مرحلہ ہے، عوام عمران خان کے ساتھ کھڑی ہے۔

ان کا کہنا تھا کہ عمران خان ان چوروں کے لئے ڈراؤنا خواب بن چکا ہے، قوم حوصلہ رکھے، کرپٹ حکمرانوں کے آخری دن چل رہے ہیں۔

رجیم چینج سازش نے 8 ماہ میں ملک کو نقصان پہنچایا ہے، فرخ حبیب

علاوہ ازیں رہنما پی ٹی آئی فرخ حبیب نے کہا کہ رجیم چینج سازش نے 8 ماہ میں ملک کو وہ نقصان پہنچایا ہے جو شائد کوئی دشمن بھی نہ پہنچا سکے جس کی وجہ سے معیشت سے منسلک تمام شعبے تباہ برباد ہوگے ہیں۔

انہوں نے بتایا کہپاکستان میں براہ راست سرمایہ کاری 50% کم ہوئی ہے، جبکہ شہباز ذرداری صرف اپنےاین ار او 2 کے تحفظ میں لگے ہے۔