قومی ٹیم کے ہیڈ کوچ اور چیف سلیکٹر مصباح الحق کا کہنا ہے کہ جس پلیئر کی ٹیم کوضرورت ہوگی وہ ضرور کھیلے گا۔
نیشنل اسٹیڈیم کراچی میں پریس کانفرنس کرتے ہوئے ہیڈ کوچ و چیف سلیکٹر مصباح الحق کہنا تھا کہ مجھ پر کوئی دباؤ نہیں ہے،ٹیم کے لئے کوشش کررہا ہوں کہ ٹیم اچھا کھیل پیش کرے۔
انہوں نے کہا کہ ہماری کوشش ہے جس پلیئر کی ٹیم کو ضرورت ہوگی وہ کھیلے گا ۔پلیئرز ٹیم کے ساتھ ہوتے ہیں اور کسی بھی وقت پلیئنگ الیون میں آسکتے ہیں۔
چیف سلیکٹر نے کہا کہ جن لڑکوں پر انوسٹ کیا جاتا ہے ،پی سی بی کے وسائل لگتے ہیں ،وہ ٹیم کو چھوڑ کر چلے جاتے ہیں ۔میڈیا کو ان کھلاڑیوں کے لیےبولنا چاہیئے جن کا حق ہے لیکن ٹیم میں جس کی ضرورت ہوتی ہے اسے کھلایا جاتا ہے۔
ہیڈ کوچ کا کہنا تھا کہ بالنگ میں مشکلات ہیں ،20 کھلاڑیوں کو آؤٹ کرنے کی پلاننگ کررہے ہیں ۔ہمیں اپنی بالنگ کو بہتر کرنا ہے اس کے لیے لانگ ٹرم پلاننگ کررہے ہیں ۔
مصباح الحق نے کہا کہ اظہر علی نے راولپنڈی ٹیسٹ میں اچھا نہیں کھیلا لیکن پہلے سیریز میں ان کی اچھی پرفارمنس رہی ہے ۔آسٹریلیا میں بیٹنگ میں بابر اعظم نے بہترین کارکردگی دکھائی ۔
انہوں نے کہا کہ پاکستان اور سری لنکن ٹیمیں ایک دوسرے کو اچھی طرح جانتی اور سمجھتی ہیں ۔
ہیڈ کوچ کا کہنا تھا کہ ہم اس بات پر متفق ہیں کہ وکٹ سپورٹنگ بنائی جائیں لیکن موسم کے باعث چیزیں مختلف ہوجاتی ہیں ۔کراچی کی وکٹ پر اسپنر کا رول اہم ہوتا ہے تاہم حتمی فیصلہ میچ کے دن کیا جائے گا۔
مصباح الحق نے کہا کہ میں اپنے فیصلوں سے مکمل طور پر مطمئن ہوں۔
یاد رہے کہ پاکستان اور سری لنکا کے مابین راولپنڈی میں کھیلا گیا پہلا ٹیسٹ میچ بارش اور خراب روشنی کی نظر ہوگیا تھا ۔ دوسرا میچ 19 دسمبر سے نیشنل اسٹیڈیم کراچی میں کھیلا جائے گا ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News