پشاور کے شہریوں کے لیے مایوس کن خبر آگئی، پشاور پاکستان سپر لیگ (پی ایس ایل) میچز کی میزبانی سے محروم ہوگیا۔
تفصیلات کے مطابق پاکستان کرکٹ بورڈ(پی سی بی )نے 2021 سپر لیگ کے میزبان شہروں میں سے پشاور کا نام نکال دیا ہے۔
ترجمان پی سی بی نے بول نیوز کو تصدیق کرتے ہوئے بتایا کہ پشاور کے ارباب نیاز اسٹیڈیم میں ترقیاتی کام ابھی ادھورے ہیں جس کی وجہ سے وہاں میچز کرانا فی الحال ممکن نہیں ہے۔
پی سی بی کا کہنا ہے کہ کوئٹہ کے بگٹی اسٹیڈیم میں بھی پی ایس ایل 2021 کے میچز نہیں ہوسکیں گے۔
پی سی بی کے مطابق 2021 سپرلیگ کے تمام مقابلے راولپنڈی، کراچی، ملتان اور لاہور میں ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News