پاکستان کرکٹ بورڈ (پی سی بی) نے سابق آسٹریلوی کرکٹر ڈین جونز کے انتقال پر تعزیت کا اظہار کیا ہے۔

تفصیلات کے مطابق پاکستان کرکٹ بورڈ (پی سی بی ) کی جانب سے سابق آسٹریلوی کرکٹر، کوچ اور کمنٹیٹر کے انتقال پر تعزیت کا اظہار کرتے ہوئے کہا کہ  ڈین جونز کے انتقال کی خبر سن کر  پی سی بی افسردہ ہے۔

پی سی بی کی جانب سے  ڈین جونز کے اہلخانہ ، دوست اور کرکٹ کمیونٹی سے دلی تعزیت کا اظہار کیا گیا۔

PCB Chairman Ehsan Mani pays tribute to Dean Joneshttps://t.co/jpgOi6jwUJ pic.twitter.com/qR44M0JClL

Advertisement

— Pakistan Cricket (@TheRealPCB) September 24, 2020

واضح رہے کہ سابق آسٹریلوی کرکٹر ڈین جونز آج بھارت کے شہر ممبئی میں دل کا دورہ پڑنے سے انتقال کرگئے ہیں۔

ڈین جونز پاکستان سپر لیگ کی فرنچائز کراچی کنگز کے موجودہ کوچ تھے۔

اس سے قبل وہ اسلام آباد یونائیٹڈ کے لیے بھی کوچنگ کی خدمات انجام دے چکے ہیں اور اسے دو مرتبہ چیمپئن بنواچکے ہیں۔

1984 سے 1994 تک کے اپنے دس سالہ انٹرنیشنل کیریئر میں ڈین جونز نے 52  ٹیسٹ اور 164   ایک روزہ میچز میں آسٹریلیا کی نمائندگی  کی۔

انٹرنیشنل کرکٹ سے ریٹائر منٹ کے بعد ڈین جونز نے کوچنگ اور کمنٹری میں بھی بہت نام کمایا۔