انٹرنیشنل کرکٹ کونسل (آئی سی سی) نے پلیئر آف دی منتھ کے لیے نامزدگیوں کا اعلان کردیا ہے۔

آئی سی سی کی جانب سے جاری کردہ فہرست میں پاکستان کے جارح مزاج بلے باز آصف علی بھی شامل ہیں۔انہیں نیوزی لینڈ اور افغانستان کے خلاف ناقابل فراموش اننگز کھیلنے پر فہرست میں شامل کیا گیا ہے۔

Nominees for the ICC Men's #POTM for October 2021 have been revealed!

Find out which players made it to the list, and don't forget to cast your vote 🗳️

Advertisement

— ICC (@ICC) November 4, 2021

آصف علی نے نیوزی  لینڈ کے خلاف 12 گیندوں پر ناقابل شکست 27 رنز بنائے تھے جبکہ افغانستان کے خلاف ایک ہی اوور میں چار چھکے لگاکر فتح باآسانی پاکستان کے نام کی تھی۔

ان کے علاوہ نمیبیا کے جنوبی افریقی نژاد آل راؤنڈر  ڈیوڈ ویزے کو سپر 12 مرحلے کے کوالیفائنگ راؤنڈ میں بہترین کارکردگی دکھانے پر نامزد کیا گیا ہے۔انہوں نے کوالیفائنگ راؤنڈ میں 27 کی اوسط سے 162 رنز بنائے اور 7 وکٹیں بھی حاصل کیں۔

بنگلہ دیش کے شکیب الحسن کو 6 میچز میں 21  کی اوسط سے 131 رنز بنانے اور 11 وکٹیں حاصل کرنے پر فہرست میں شامل کیا گیا ہے۔