انگلینڈ کے خلاف برمنگھم میں ٹیسٹ میچ کے پہلے دن بھارت کے ریشبھ پنت نے 146 رنز کی اننگ کے دوران سچن ٹنڈولکر کا ریکارڈ توڑ دیا۔
ریشبھ پنت نے اپنی سنچری کے دوران چار چھکے لگا کر بین الاقوامی کرکٹ میں چھکوں کی سنچری مکمل کی۔ اس کے ساتھ ہی وہ بھارت کے سب سے کم عمر کھلاڑی بن گئے جس نے چھکوں کی سنچری مکمل کی۔
اس سے قبل سب سے کم عمر میں چھکوں کی سنچری کا ریکارڈ سچن ٹنڈولکر کے پاس تھا جنہوں نے یہ سنگ میل 25 سال کی عمر میں حاصل کیا تھا۔
دوسرے نمبر پر سریش رائنا تھے جنہوں نے 25 سال 77 دن میں یہ کارنامہ انجام دیا تھا۔
ریشبھ پنت نے 24 سال اور 271 دن میں یہ کارنامہ انجام دے کر سچن ٹنڈولکر کو بھی پیچھے چھوڑ دیا ہے۔
تفصیلات کے مطابق اس میچ میں ریشبھ پنت کریز پر آئے تو انگلش بولرز کا جادو سر چڑھ کر بول رہا تھا، بھارتی ٹیم کے 5 کھلاڑی 98 رنز پر پویلین واپس لوٹ گئے تھے۔
ریشبھ پنت نے رویندر جڈیجہ کے ساتھ ملکر 222 رنز کی شراکت داری کی اور ٹیم کے ٹوٹل کو بہتر مقام تک پہنچایا۔
اس دوران ریشبھ پنت نے انگلش بولرز کا جم کر مقابلہ کیا اور شاندار 146 کی خوبصورت اننگ کھیلی۔
اس اننگ کے دوران پنت نے 19 چوکوں کے علاوہ 4 چھکے بھی لگائے.
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News