پاکستان کرکٹ بورڈ (پی سی بی) نے عبوری سلیکشن کمیٹی بھی تحلیل کردی ہے جس کے بعد نئی سلیکشن کمیٹی کا اعلان جلد متوقع ہے۔
پی سی بی نے توصیف احمد کی سربراہی میں قائم عبوری سلیکشن کمیٹی کو بھی تحلیل کردیا ہے جب کہ نئی سلیکشن کمیٹی تشکیل دینے کے لیے مشاورت جاری ہے اور قومی سلیکشن کمیٹی کا جلد اعلان متوقع ہے۔
تاہم چیف سلیکٹر کے حوالے سے بڑے نام سامنے آگئے ہیں جن میں سابق ٹیسٹ کرکٹر محمد حفیظ، یونس خان، سہیل تنویر اور وہاب ریاض شامل ہیں۔
یہ بھی پڑھیں: چیف سلیکٹر قومی کرکٹ ٹیم انضمام الحق نے استعفیٰ دے دیا
پاکستان کرکٹ بورڈ کی مینجمنٹ کمیٹی کے چیئرمین ذکاء اشرف نے نئے چیف سلیکٹر کی تلاش کے لیے آج ان سابق کھلاڑیوں سے ملاقات کی۔
Former Pakistan cricketers Younis Khan, Mohammad Hafeez, Wahab Riaz and Sohail Tanvir called on Chairman PCB Management Committee Mr Zaka Ashraf today at Gaddafi Stadium in Lahore. pic.twitter.com/3XJykYU3nf
— Pakistan Cricket (@TheRealPCB) November 14, 2023
میڈیا رپورٹس کے مطابق پی سی بی کے سربراہ محمد حفیظ یا یونس خان کو نیا چیف سلیکٹر بنانے پر غور کر رہے ہیں جب کہ نئی سلیکشن کمیٹی 24 نومبر تک ٹیسٹ اسکواڈ کی تشکیل پر غور کرے گی۔
میڈیا رپورٹس میں کہا گیا ہے ’’پی سی بی کا مقصد ایسے چیف سلیکٹر کو تعینات کرنا ہے جو جدید دور کی کرکٹ سے متعلق درپیش چیلنجز سے نمٹنے کے لیے تمام منظرناموں کو اچھی طرح سے جانتا ہو‘‘۔
یہ بھی پڑھیں: توصیف احمد کی سربراہی میں قائم عبوری سلیکشن کمیٹی بھی تحلیل
واضح رہے کہ پاکستان کرکٹ ٹیم نے اپنا واحد ٹی ٹوئنٹی ورلڈکپ 2009 میں یونس خان کی قیادت میں جیتا تھا جب کہ محمد حفیظ کا بھی ٹی ٹوئنٹی کرکٹ میں قابل تعریف کپتانی کا ریکارڈ رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News