اطالوی کمپنی فراری ایس پی اے 2023ء کے لیے پہلی مرتبہ 4 دروازوں والی فراری ایس یو وی متعارف کروانے جارہی ہے۔
لگژری اسپورٹس کاریں بنانے والی کمپنی فراری نے اس گاڑی کو 2023ء پوروسانگوے کا نام دیا ہے۔
اطالوی کار ساز ادارے نے مارکیٹ کے مسلسل دباؤ کے مدنظر 4 دروازوں والی پہلی ایس یو وی تیار کی ہے۔
رپورٹ کے مطابق فراری کی پوروسانگوے میں کیئن ٹربو اور اورس جیسی اعلیٰ ترین کارکردگی کی حامل ایس یو وی کے ساتھ ساتھ بینٹلی بینٹیگا اور رولز روئس کلینن جیسی انتہائی لگژری ماڈلز کی خوبیاں بھی موجود ہیں۔
پورو سانگوے میں وی 12 کا گونجدار انجن لگایا گیا ہے، انجینیئرز نے کار کو چلانے میں مدد گار ایسے جدید ترین سسپیشن سسٹم سے آراستہ کیا ہے جو فراری کی خوبی ہے۔
سسپنسن سسٹم میں ایس یو وی کے چاروں کناروں پر ایک ایک موٹر نصب ہے جو حرکت کے دوران کار کو متوازن رکھتی ہیں۔
اس سسپنشن سسٹم کی بدولت پوروسانگوے کو روایتی اینٹی رول بارز کی ضرورت نہیں رہتی اور ناہموار راستے پر بھی پر آرام دہ سفر کیا جاسکتا ہے۔
پورو سانگوے 2023ء میں مارکیٹ میں متعارف کروائی جائے گی، نئی فراری کئی معیاری سہولتوں سے مزین ہے جیسا کہ آرام دہ فرنٹ سیٹیں اور الیکٹروکرومک گلاس کی چھت اور دھوپ تاپنے کے شوقین افراد کے لیے دلچسپی کی حامل ہے۔
وی 12 انجن کی 6.5 لیٹر قسم کے ساتھ پوروسانگوے کار 193 میل فی گھنٹہ کی زیادہ سے زیادہ رفتار کے ساتھ چلائی جاسکتی ہے۔
پوروسانگوے تقریباً یقینی طور پر فراری کی کم سے کم ایندھن کی بچت والی پیشکش ہوگی۔
یہ بھی پڑھیں: بریک کی خرابی، فراری نے چین سے 2 ہزار سے زائد گاڑیاں واپس منگوا لیں
اس نئی فراری کی قیمت 4 لاکھ ڈالر (تقریباً 9 کروڑ پاکستانی روپے) ہو گی۔
یاد رہے کہ اس سے قبل اسپورٹس کاروں کے برانڈز پورشے اور لیمبورگینی بھی 4 دروازوں کے تصور سے خاصہ فائدہ اٹھا چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News