ٹیسلا، اسپیس ایکس اور ایکس (ٹوئٹر) کے مالک ایلون مسک نے کہا ہے کہ آرٹی فیشل انٹیلی جنس (اے آئی) ٹیکنالوجی انسانیت کا خاتمہ کر دے گی۔
حال ہی میں ایلون مسک نے ایک کانفرنس کے دوران بات چیت کرتے ہوئے کہا کہ میں لوگوں کے اس تخمینے سے اتفاق کرتا ہوں کہ ایسا 10 یا 20 فیصد امکان ہے کہ اے آئی ٹیکنالوجی انسانیت کا خاتمہ کر دے گی۔
ان کا کہنا تھا کہ میرے خیال میں ممکنہ مثبت منظر نامے کا وزن منفی منظرنامے سے زیادہ ہے۔
انہوں نے کہا کہ 2030 تک اے آئی ٹیکنالوجی لوگوں سے زیادہ ذہین ہوگی اور اسی لیے ہمیں ٹیکنالوجی کے منفی اثرات کے حوالے سے زیادہ محتاط رہنے کی ضرورت ہے۔
ایلون مسک نے کہا کہ یہ ضروری ہے کہ ہم اے آئی کو ہمیشہ سچ بولنے اور پرتجسس رہنے کی تربیت دیں۔
ٹیسلا، اسپیس ایکس اور ایکس (ٹوئٹر) کے مالک کے مطابق اے آئی کے خطرات سے انسانیت کو محفوظ رکھنے کے لیے ان کا منصوبہ بہت سادہ ہے، بس یہ یقینی بنانا ہوگا کہ اے آئی ہمیشہ سچ بولے، کیونکہ اگر اس نے جھوٹ بولنا سیکھ لیا تو پھر اسے روکنا بہت مشکل ہو جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News