کسی بھی ایک ملک سے دوسرے ملک جانے کے لئے ویزا درکار ہوتا ہے جو کہ اپنے ملک کے پاسپورٹ ہونے کی بناء پر ہی لگتا ہے اور اسکے لئے درخواست جمع کرائی جاتی ہے۔
دنیا کا ہر ملک اپنے شہریوں کو پاسپورٹ کی سہولت فراہم کرتا ہے لیکن اس پاسپورٹ پر ہر ملک کا ویزا لگ جائیگا اس بات کی کوئی گارنٹی نہیں دے سکتا ہے۔
اس کی ایک وجہ یہ بھی ہے کہ کس ملک کا پاسپورٹ کتنا طاقتور ہے اور اس بات کا اندازہ ملک کے معاشی حالات اور رونما ہونے والے واقعات کی بناء پر کیا جاتا ہے۔
حال ہی میں ہینلے پاسپورٹس انڈیکس کی جانب سے ایک رپورٹ جاری کی گئی ہے جس میں ملکوں کے پاسپورٹ کی افادیت کے متعلق بتایا گیا ہے۔
اس رپورٹ کے مطابق پاکستانی پاسپورٹ کا نمبر 113 پر آگیا ہے جس کا مطلب پاکستانی پاسپورٹ رکھنے والے شہری دنیا کے 33 ممالک میں بغیر ویزا کے جاسکتے ہیں۔
دوسری جانب دنیا کے طاقتور ترین پاسپورٹ رکھنے والے ممالک میں جاپان پہلے نمبر پر ہے اس کا مطلب یہ ہے کہ اگر آپ جاپانی شہری ہیں تو آپ کو دنیا کے 193 ممالک اور علاقوں میں آپ بغیر ویزا جاسکتے ہیں۔
اس انڈیکس کے مطابق سنگاپور کا نمبر دوسرا ہے یعنی سنگاپور کے شہری 192 ممالک میں بغیر روک ٹوک کے ان ممالک کا سفر کرسکتے ہیں ۔
اسکے علاوہ یورپین ممالک میں سے جرمنی چوتھے، اور آسٹریا نویں، ڈنمارک دسویں نمبر پر ہے۔ جبکہ فرانس، آئرلینڈ، پرتگال، اور سوئیڈن گیارہویں سے لے کر پندرہویں نمبر پر ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News