گھر خریدنا اب بہت ہی آسان۔۔جی ہاں اب گھر کی قیمت صرف 150 روپے ہے۔

اٹلی میں ایک ایسا قصبہ ہے جہاں گھر کی مالیت صرف ایک یورو ہے، یعنی کوئی بھی شخص 150 روپے میں گھر کا مالک بن سکتا ہے۔

امریکی میڈیا کی رپورٹ کے مطابق  اٹلی کے جنوبی علاقے کیمپانیا میں واقع بیساشیا نامی قصبے میں آبادی نہ ہونے کے قریب ہے کیونکہ یہاں کے رہائشی بڑے یا دوسرے شہروں میں منتقل ہوچکے ہیں اور اب قصبے کے بیشتر گھر خالی پڑے ہیں۔

بیساشیا کےمیئرنےاعلان کیا کہ آبادی کی کمی کو پورا کرنے کے لیے ہم لوگوں کو مشروط طور پر سستے گھر فراہم کررہے ہیں۔

اُن کا کہنا تھا کہ گھرخریدنے والے شخص کو قصبے میں مستقل رہائش اختیار کرنا اور کیمونٹی کا حصہ بننا ہوگا، زمین کی فراہمی حکومت کا کام ہے، گھر کی تزئین و آرائش اور تعمیرات بھی خریدار کو ہی کرنا ہوگی۔

میئر نے قصبے کے 90گھر ایک یورو کی قیمت میں فروخت کرنے کا اعلان کرتے ہوئے کہا کہ ’مجھے امید ہے کہ اس طرح ہم ایک بار اس قصبے کو پھرسےآباد کر سکیں گے۔‘

میئرکاکہناہےکہ یہ قصبہ انتہائی خوبصورت اور تاریخی ہے، جہاں خوبصور ت ساحل، پہاڑ اور جنگلات ہیں۔

واضح رہے کہ اٹلی کے مختلف قصبوں میں آبادی بڑھانے کے لیے عوام کو سستے گھروں کو پیش کش کی جاتی ہے۔

اس سے قبل بھی گزشتہ برس جنوری میں ہی اٹلی کےقصبےسمبوکاکےڈپٹی میئرنےیہ اعلان تیزی سےکم ہوتی ہوئی آبادی کے پیش نظر 1 یورومیں مکان  فروخت  کرنےکااعلان کیا تھا۔

اٹلی کے گاؤں سمبوکاکے ڈپٹی میئراورٹورسٹ کونسلرجیوسپ کیسیوپونےگاؤں کی کم ہوتی آبادی کوروکنےکےلیے 1 یورو میں گھروں کی فروخت اعلان کیا تھا ۔