مشہور رمسے برادران میں سے مشہور سنیماٹوگرافر گنگو رامسے طویل علالت کے بعد 83 سال کی عمر میں انتقال کر گئے ہیں۔

ان کے خاندان نے ایک بیان جاری کیا جس میں بتایا گیا کہ وہ گزشتہ ایک ماہ سے صحت کے مسائل کا سامنا کر رہے تھے۔

اس حوالے سے خاندان کی جانب سے جاری کئے جانے والے بیان میں بتایا گیا ہے کہ”گہرے دکھ کے ساتھ، ہم رامسے برادران میں سے ایک، لیجنڈ سینماٹوگرافر، فلمساز، پروڈیوسر اور ایف یو رمسے کے دوسرے بڑے بیٹے گنگو رامسے کے انتقال کا اعلان کرتے ہیں۔ وہ ہم سے جدا ہو گئے۔ آج صبح 8 بجے، 83 سال کی عمر میں، گزشتہ ایک ماہ سے صحت کے مسائل سے لڑنے کے بعد، انہیں کوکیلابین اسپتال میں داخل کرایا گیا تھا۔”

گنگو رامسے ان سات بھائیوں میں سے ایک تھے، جو کہ ‘پرانی حویلی’ اور ‘تہخانہ’ جیسی کلاسک ہارر فلموں کے لیے مشہور تھے۔

ایف یو رامسے کے قائم کردہ رامسے برادرز کے بینر کے تحت، گنگو رامسے نے 50 فلموں میں تخلیقی تعاون کیا، جن میں ‘ویرانا’، ‘پرانا مندر’ اور ‘بند دروازہ’ شامل ہیں۔

رامسے برادرز 1970 اور 80 کی دہائیوں میں متعدد بی گریڈ فلمیں بنانے کے لیے مشہور تھے، جن میں زومبی، ویروولز اور ویمپائر شامل تھے۔ فلمیں ہارر اور ایروٹیکا کے غیر معمولی امتزاج کے لیے مشہور تھیں۔

سیف علی خان کی ابتدائی فلموں میں سے ایک عاشق آوارہ میں گنگو رامسے نے بطور سینماٹوگرافر بھی خدمات انجام دیں۔ انہوں نے اکشے کمار کے ساتھ مختلف فلموں میں بھی کام کیا