برطانوی شہزادے ولیم نے سال نو کے آغاز پر اپنے دورہ چترال کی تصاویر سوشل میڈیا پر جاری کر کے دنیا کو ماحولیاتی تحفظ کا پیغام دیا۔

اسی تصویر کو سوشل میڈیا پر جاری کرکے شہزادہ ولیم نے ماحولیاتی تحفظ کا پیغام دیا ہے۔

ان کا کہنا تھا کہ ہم اپنی زمین کو ناقابل تلافی نقصان پہنچارہے ہیں لیکن انسان اپنی توانائی اور رہنمائی سے مسئلے کو حل کرنے کی صلاحیت رکھتا ہے۔

Who is ready to lead as we make the 2020s a decade of action to repair our planet?

Advertisement

Introducing the @EarthshotPrize 🌍 pic.twitter.com/sYT5xBQ1Zo

— The Prince and Princess of Wales (@KensingtonRoyal) December 31, 2019

برطانوی میڈیا کے مطابق شہزادہ ولیم نے ماحولیاتی تحفظ کے لیے ارتھ شاٹ پرائز لانچ کیا جس میں ہر سال 5 افراد کو ایوارڈ دیا جائے گا۔

شہزادہ ولیم کے مطابق 10 برسوں میں ماحولیاتی تحفظ کے 50 حل تلاش کریں گے۔ یہ ایوارڈ 2021 سے 2030 تک دنیا کے مختلف شہروں میں دیے جائیں گے۔

یاد رہے کہ برطانوی شاہی جوڑے شہزادہ ولیم اور ان کی اہلیہ کیٹ مڈلٹن نے رواں سال اکتوبر میں پاکستان کا 4 روزہ دورہ کیا تھا جس میں وہ صدر مملکت عارف علوی اور وزیراعظم عمران خان سمیت دیگر حکام سے ملے تھے۔

دورے کے دوران شاہی جوڑے نے شمالی علاقہ جات اور لاہور کے تاریخی مقامات کا دورہ بھی کیا تھا۔