اسپین میں ایک ریزورٹ میں مبینہ طور پر جنسی تشدد کرنے پر ایک شخص کو گرفتار کر لیا گیا۔

مقامی میڈیا کے مطابق اسپین میں ایک ریزورٹ میں مبینہ طور پر ایک برطانوی لڑکی پر جنسی تشدد کرنے پر ایک شخص کو گرفتارکر لیا گیا۔

لڑکی پر ہونے والا مبینہ تشدد جمعرات کی رات کو ایک ہوٹل کے کمرے میں ہوا جہاں وہ اپنے والدین اور دیگر رشتے داروں کے ساتھ چھٹیوں پر ٹھہری ہوئی تھی۔

ذرائع کے مطابق لڑکی نے بتایا کہ اس ہوٹل میں ٹھہرے ہوئے تین برطانوی افراد تشدد کے وقت کمرے میں موجود تھے۔

تاہم، ریڈیو اسٹیشن کی رپورٹ میں کیے گئے دعووں کی پولیس یا دیگر اداروں نے عوامی سطح پر کوئی تصدیق نہیں کی ہے۔

متعدد ذرائع کے مطابق جمعرات کی رات ایک شخص کو گرفتار کر لیا گیا۔

ملزم کو اگلے روز عدالت میں پیش کیا گیا اور بغیر ضمانت کے تحویل میں دے دیا گیا۔

ایک عدالتی عہدے دار نے دی مرر کو بتایا کہ عدالت کے ایک جج نے گرفتار شخص کے کم عمر لڑکی پر جنسی تشدد میں ملوث ہونے کے شبہات پر ریمانڈ پر رضامندی کا اظہار کیا۔

پولیس کو بلائے جانے کے بعد لڑکی کو مبینہ طور پر طبی معائنے کے لیے سینٹ جومے ہاسپٹل لے جایا گیا۔