سویڈن میں شدید بارشوں کے باعث نشیبی علاقے زیرآب آنے کا خدشہ ہے۔

بین الاقوامی خبر رساں ادارے کے مطابق  سویڈن میں گرج چمک کے ساتھ شدید بارشیں جاری ہیں۔

ناروے کے محکمہ موسمیات نے خراب موسم کو ’ہانس طوفان‘ کا نام دے دیا۔

متعدد فلائٹس اور بحری جہاز کے سفر ملتوی، اسٹاک ہوم میں لینڈ  ہونے والی فلائٹ کا رخ اوسلو کی طرف موڑ دیا گیا۔

کئی شہروں میں بجلی کی فراہمی معطل ہوگئی جبکہ ابھی   مزید بارشوں کا امکان ہے۔

اتوار کی شام طوفان ہانس سویڈن میں داخل ہوا  اور رات بھر ہونے والی طوفانی بارش اور گرج چمک کے باعث نہ صرف ٹریفک کی روانی متاثر ہوئی بلکہ  متعدد فلائٹس اور بحری جہاز کے سفر  بھی ملتوی ہوگئے۔

سویڈن کے محکمہ موسمیات کے مطابق ملک بھر میں زیادہ سے زیادہ 66 ملی میٹر بار ش ریکارڈ کی گئی   جو کہ عام طور پر پورے مہینے میں ہونے والی بارش کے برابر ہے جبکہ کم وقت میں 25 ہزار سے زائد بار بجلی چمکنے کا ریکارڈ قائم ہوا۔

محکمہ موسمیات  کا کہنا ہے کہ شدید بارشوں کا یہ سلسلہ منگل کی شام تک جاری رہے گا۔  خدشہ ہے کہ نشیبی علاقے زیرآب آسکتےہیں۔

 محکمہ موسمیات کی جانب سے ٹریفک میں احتیاط برتنے اور غیر ضروری گھروں سے  نہ نکلنے کی ہدایت بھی جاری کی گئی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں