اسرائیلی فوج بوکھلاہٹ کا شکار ہوگئی، اب صحافیوں پر بھی حملے شروع کردیے۔
ترک میڈیا کی رپورٹ کے مطابق اسرائیلی افواج نے ترک چینل ٹی آر ٹی عربی کی ٹیم پر حملہ کیا۔
حملہ گزشتہ شب اسرائیل لبنان سرحد پر کوریج کے دوران کیا گیا ۔ اسرائیلی افواج نے ٹی آر ٹی ٹیم پر حملہ کیا ، گالم گلوچ کی اور جان سے مارنے کی دھمکی دی۔
صحافی محمد خیری نے بتایا کہ فوجی اہلکاروں نے دھکے دیے ، اس کار پر بھی حملہ کیا جس پر پریس کا بیج آویزہ تھا ۔ پریس کارڈ کو نظر انداز کرتے ہوئے اسرائیلی فوجیوں نے رپورٹرز کو ذبح کرنے کی دھمکی بھی دی۔
صحافی کا کہنا تھا کہ فوجی نے کہا تم ایک جاسوس ہو جو ترکی کے لیے کام کررہے ہو۔ہم نے کل ترکیہ کے صدر کی تقریر سنی وہ ہمارے خلاف ہیں ۔
رپورٹر نے جواب دیا کہ ہم صحافی ہیں اور ایک بین الاقوامی چینل کے لیے کام کرتے ہیں جس پر سپاہی نے جواب دیا کہ مجھے پرواہ نہیں ہے، میں نے ترک صدر کی تقریر سنی ہے۔
واضح رہے کہ غزہ پر اسرائیلی فضائی حملے جاری ہیں جس میں فلسطینی شہدا کی تعداد 1568 ہوگئی ہے۔
فلسطینی وزارت صحت کے مطابق شہداء میں 500 سے زائد بچے اور 267 خواتین بھی شامل ہیں جبکہ زخمیوں کی تعداد 6612 ہوگئی ہے۔
اقوام متحدہ کے ادارہ برائے انسانی امور کی جانب سے جاری بیان میں کہا گیا کہ غزہ میں 3 لاکھ 38 ہزار سے زائد لوگ بے گھر ہو چکے ہیں جبکہ ڈھائی ہزار سے زیادہ مکانات کو شدید نقصان پہنچا ہے۔
غزہ میں 88 تعلیمی اداروں کو بھی نقصان پہنچا جن میں 18اقوام متحدہ کے زیر انتظام اسکول شامل ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News