بحیرہ احمر میں تجارتی جہاز پر حملے کے جواب میں امریکی فوج نے جنوبی ایران کے مختلف ساحلی شہروں اور فوجی تنصیبات پر بڑے پیمانے پر حملے شروع کردیے ہیں۔
ایرانی میڈیا کے مطابق جنوبی ایران کے شہر عسلویہ اور بوشہر میں دھماکے سنے گئے ہیں جبکہ قشم، بندر عباس میں تین اور سیرک میں دو دھماکوں کی اطلاعات ہیں۔
امریکی سینٹرل کمانڈ (سینٹکام) نے دعویٰ کیا ہے کہ ایران کے خلاف رواں ہفتے تیسری فوجی کارروائیاں شروع کر دی گئی ہیں۔ یہ اقدامات ایک تجارتی بحری جہاز پر مبینہ ایرانی حملے کے ردعمل میں کیے جا رہے ہیں۔
سینٹکام کے مطابق پاسدارانِ انقلاب نے قبرص کے پرچم بردار ایک کنٹینر جہاز کو نشانہ بنایا جس سے جہاز کو نقصان پہنچا اور آگ لگ گئی جبکہ عملے کا ایک رکن لاپتا ہو گیا۔
At 7:15 p.m. ET today, U.S. Central Command forces began launching the third round of strikes this week against Iran after Islamic Revolutionary Guard Corps forces blatantly attacked M/V GFS Galaxy, a Cyprus-flagged container ship transiting the Strait of Hormuz. A civilian crew…
— U.S. Central Command (@CENTCOM) July 11, 2026
امریکی فوجی حکام کا کہنا ہے کہ جہاز کے انجن روم کو شدید نقصان پہنچنے کے باعث وہ اپنا سفر جاری رکھنے کے قابل نہیں رہا۔
امریکی فوجی کمانڈ نے الزام عائد کیا ہے کہ ایران کو ماضی میں بھی تجارتی جہازوں پر حملوں کے بعد اپنا طرزِ عمل تبدیل کرنے اور طے شدہ مفاہمتی یادداشت پر عمل درآمد کے لیے متعدد مواقع دیے گئے تاہم تہران نے ان پر عمل نہیں کیا۔
سینٹکام نے سوشل میڈیا پر جاری اپنے بیان میں کہا کہ تازہ کارروائیاں امریکی صدر کی ہدایت پر کی جارہی ہیں۔
