فلسفہ حسینیت ہی ہمارا منشور ہے، بلاول بھٹو زردرای

انوشہ شیخ

19th Aug, 2021. 10:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فلسفہ حسینیت ہی ہمارا منشور ہے، بلاول بھٹو زردرای

چیئرمین پاکستان پیپلزپارٹی بلاول بھٹو زرداری کا کہنا ہے کہ فلسفہ حسینیت ہی دراصل ہمارا منشور ہے۔

تفصیلات کے مطابق بلاول بھٹو زرداری نے یوم عاشور پر پیغام دیتے ہوئے کہا ہے کہ واقعہ کربلا حق و باطل کا معرکہ ہے جو ہر دور میں جاری تھا اور جاری رہے گا۔

بلاول بھٹو کا کہنا تھا کہ حسینیت یہی ہے ہر دور کے یزید کا ڈٹ کر مقابلہ کیا جائے ، امام حسین دنیا بھر کے انسانوں کے لیے شجاعت کا ایک درس ہیں۔

ان کا کہنا تھا کہ یوم عاشور کا سبق یہی ہے کہ ہم نے اپنے کردار میں حسینی بن کر وقت کے یزیدوں کو للکارنا ہے ، اہلبیت نے سرزمین کربلا پر ایسی قربانی دی ہے جو رہتی دنیا تک انسانیت اس واقعے کو فراموش نہیں کرسکتی ہے۔

بلاول بھٹو زرداری نے کہا کہ صدیاں بیت گئیں مگر حضرت محمد صلی اللہ وعلیہ وسلم کے خانوادے کے مصائب کا دکھ آج بھی تروتازہ ہے ، امام حسین نے سکھایا ہے کہ ظالم کے خلاف مزاحمت میں خواہ کتنی بڑی قربانی دینا پڑے دریغ نہیں کرنا چاہیے۔

ان کا مزید کہنا تھا کہ پاکستان پیپلز پارٹی فلسفہ حسینیت پر عمل کرتے ہوئے ہمیشہ وقت کے ظالموں سے ٹکرائی ہے ، پیپلزپارٹی کی قیادت نے اپنی جانوں کے نذرانے بھی پیش کیے ہیں۔